బాలయ్యతో జూనియర్ పోటీకి రావట్లే

జనతా గ్యారేజ్ కి జనాల ఫుల్లు సపోర్ట్ రావడంతో గ్రాండ్ సక్సెస్ కొట్టేశాడు జూనియర్ ఎన్టీఆర్. ఆ తర్వాత కొంచెం గ్యాప్ తీసుకున్నా ఇప్పుడు తన లేటెస్ట్ చిత్రాన్ని ఫుల్ స్పీడ్ గానే షూటింగ్ చేసేస్తున్నాడు. తొలుత కొన్ని యాక్షన్ సీక్వెన్స్ లలో నటించిన యంగ్ టైగర్.. ఇప్పుడు హీరోయిన్స్ నివేదా థామస్.. రాశి ఖన్నాలతో రొమాంటిక్ సీన్స్ లో నటిస్తున్నాడు.

'జూనియర్ ఎన్టీఆర్ తో పాటు ఇద్దరు హీరోయిన్స్ మధ్య పలు కీలక సన్నివేశాల చిత్రీకరణ హైద్రాబాద్ పరిసరాల్లో జరుగుతోంద'ని యూనిట్ వర్గాలు చెబుతున్నాయి. ఈ మూవీలో ఎన్టీఆర్ మూడు విభిన్నమైన రోల్స్ లో కనిపించనుండగా.. ఇప్పుడీ సినిమా రిలీజ్ విషయంలో కూడా యూనిట్ ఓ క్లారిటీకి వచ్చేసినట్లు తెలుస్తోంది. కొంచెం కూడా గ్యాప్ లేకుండా షూటింగ్ పూర్తి చేసేసి సెప్టెంబర్ తొలి వారానికల్లా విడుదల చేయాలని చూస్తున్నారట. దసరాకు తన సినిమాను రిలీజ్ చేస్తానని ముందే చెప్పిన జూనియర్ ఎన్టీఆర్.. కొంచెం ముందే వచ్చేయడానికి కారణం.. బాలయ్య సినిమాతో పోటీ లేకుండా ఉండేందుకే అని తెలుస్తోంది.

దసరా రిలీజ్ కు బాలయ్య మూవీ పైసా వసూల్ చిత్రాన్ని అనౌన్స్ చేశారు. పూరీ జగన్నాధ్ దర్శకత్వంలో రూపొందుతున్న ఈ చిత్రం.. డేట్ మిస్ అయ్యే అవకాశం లేదు. గతంలో నాన్నకు ప్రేమతో చిత్రాన్ని బాలయ్యకు పోటీగా సినిమా విడుదల చేసిన యంగ్ టైగర్.. ఈసారి మాత్రం కాంపిటీషన్ లేకుండా జాగ్రత్త పడుతుండడం విశేషం.


Like Us on Facebook : https://www.facebook.com/Tupakidotcom/