యంగ్ టైగర్ షట్టర్ దించేస్తున్నాడు

యంగ్ టైగర్ ఎన్టీఆర్- కొరటాల శివ కాంబినేషన్ లో తెరకెక్కుతున్న మూవీ జనతా గ్యారేజ్. ప్రస్తుతం హైద్రాబాద్ లో షూటింగ్ జరుపుకుంటున్న ఈ చిత్రానికి ఇప్పుడో ఇంపార్టెంట్ అప్ డేట్ వచ్చింది. అదేంటంటే.. జూన్ 29తో హైద్రాబాద్ షెడ్యూల్ ఫినిష్ అయిపోతుందట. ఒకటి ముగిస్తే ఇంకోటి స్టార్ట్ అవుతుందిగా అనుకోవచ్చు కానీ.. ఇక్కడ మేటర్ ఏంటంటే.. ఈరోజులో మనోళ్ళు గ్యారేజ్‌ షట్టర్ దించేస్తున్నారు తెలుసా? అదేనండీ.. జనతా గ్యారేజ్ టాకీ పార్ట్ షూట్‌ మొత్తం పూర్తయిపోతుందట.

టాకీపార్ట్ ఫినిష్ అయిపోయాక ఇక ఈ సినిమాకి బ్యాలెన్స్.. కేవలం మూడు పాటలు. వాటి కోసం ఇప్పటికే శ్రీలంక షెడ్యూల్ ప్లాన్ చేశారు కూడా. మరొక సాంగ్ ని చివర్లో హైద్రాబాద్ లోనే తెరకెక్కించనున్నారు. అంటే టాకీకి సంబంధించిన వర్క్ కి జూన్ తో కొబ్బరి కాయ కొట్టేశాక.. ఇక పోస్ట్ ప్రొడక్షన్ మాత్రమే పెండింగ్ ఉంటుంది. అవి కూడా ఇప్పటికే మొదలైనట్లు చెబుతున్నారు. ఎన్టీఆర్ తన రోల్ కి డబ్బింగ్ చెప్పేయడం కూడా మొదలు పెట్టాడని ఓ న్యూస్ ఉంది.

ఇంతా చేస్తే ఈ సినిమా షూటింగ్ మొదలుపెట్టి ఇప్పటికి పట్టుమని నాలుగున్నర నెలలు. పైగా రిలీజ్ కి ఇంకా నెలన్నర టైమ్ ఉంది. మొత్తం ఆరు నెలల టైమ్ అనుకుని కూడా.. ఆరువారాల ముందే షూటింగ్ ఫినిష్ చేసేయడం చాలా పెద్ద విషయం. ఇలాంటి భారీ బడ్జెట్ చిత్రాల విషయంలో ఇదో రికార్డ్ కూడా కావచ్చు. యంగ్ టైగర్ ఈ స్పీడ్ లో సినిమాను పూర్తి చేసేయడం చూస్తే.. ఆ వేగం అందుకోవడం ఎవరికైనా కష్టమే అనిపిస్తోంది.