అఫీషియ‌ల్‌: గ్యారేజ్ టీజ‌ర్ రిలీజ్ డేట్‌

యంగ్‌ టైగ‌ర్ ఎన్టీఆర్ హీరోగా న‌టిస్తున్న జ‌న‌తా గ్యారేజ్ సినిమాపై టాలీవుడ్‌ లో భారీ అంచ‌నాలు ఉన్నాయి. ఈ సినిమాకు ఎలాంటి క్రేజ్ ఉందో ఫ్రీ రిలీజ్ బిజ‌నెస్ చెపుతోంది. గ్యారేజ్‌ కు వ‌ర‌ల్డ్‌ వైడ్‌ గా రూ.75 కోట్ల‌కు పైగా బిజినెస్ జ‌రిగిన‌ట్టు స‌మాచారం. ఇటీవ‌లే రిలీజ్ అయిన గ్యారేజ్ ఫ‌స్ట్ లుక్ సినిమాపై అంచ‌నాల‌ను భారీగా పెంచేసింది.

ఇక ఎన్టీఆర్ ఫ్యాన్స్ అంద‌రూ ఇప్పుడు గ్యారేజ్ టీజ‌ర్‌ - ఆడియో కోసం ఎగ్జైటింగ్‌ గా వెయిట్ చేస్తున్నారు. ఫ్యాన్స్‌ లో సినిమాపై ఉన్న ఉత్సాహాన్ని మ‌రింత రెట్టింపు చేసేలా గ్యారేజ్ టీం టీజ‌ర్‌ ను రిలీజ్ చేసేందుకు ప్లాన్ చేస్తోంది. కొద్ది రోజుల క్రిత‌మే గ్యారేజ్ టీం టీజ‌ర్ రిలీజ్ త్వ‌ర‌లోనే ఉంటుంద‌ని చెప్పినా డేట్ మాత్రం చెప్ప‌లేదు. అయితే ఎట్ట‌కేల‌కు ఈ రోజు గ్యారేజ్ టీజ‌ర్ రిలీజ్ డేట్‌ ను ద‌ర్శ‌కుడు కొర‌టాల శివ ఎనౌన్స్ చేశారు.

జూలై 6న గ్యారేజ్ టీజ‌ర్‌ ను రిలీజ్ చేస్తున్న‌ట్టు ప్ర‌క‌టించిన ఆయ‌న ఇన్ని రోజులుగా టీజ‌ర్ కోసం ఆసక్తితో ఎదురు చూస్తోన్న ఫ్యాన్స్‌ కు థ్యాంక్స్ చెప్పారు. మైత్రీ మూవీ మేకర్స్ భారీ ఎత్తున నిర్మిస్తోన్న ఈ సినిమాలో ఎన్టీఆర్ స‌ర‌స‌న స‌మంత‌ - నిత్యామీన‌న్ హీరోయిన్లుగా న‌టిస్తున్నారు. ప్ర‌ముఖ మ‌ళ‌యాళ సూప‌ర్‌ స్టార్ మోహ‌న్‌ లాల్ ఓ కీల‌క‌పాత్ర‌లో న‌టిస్తుండ‌గా దేవిశ్రీప్ర‌సాద్ స్వ‌రాలందిస్తున్నారు. ఆగ‌స్టు 12న ఈ సినిమా రిలీజ్ కానుంది.