ఎన్టీయార్ లో ఆ యాంగిల్ ని టచ్ చేస్తున్న కొరటాల...?

జూనియర్ ఎన్టీయార్ అంటే కంప్లీట్ స్టార్ అని చెబుతారు. ఆయన నటన‌లో ఏ కోణాన్ని అయినా తీసుకుని వెండి తెర మీద అందంగా ఆవిష్కరించవచ్చు. అలా చేసిన సినిమాలు సూపర్ డూపర్ హిట్లు కొట్టాయి. ఎన్టీయార్ మూడేళ్ళుగా ట్రిపుల్ ఆర్ మీదనే ఉన్నాడు. మొత్తానికి ఆ షూటింగ్ పూర్తి అయింది. రిలీజ్ డేట్ కూడా పడిపోయింది. టెన్షన్ అయితే లేదు. పక్కాగా బ్లాక్ బస్టర్ అని రాసేసుకోవచ్చు. దాంతో జూనియర్ తరువాత ప్రాజెక్టుల మీద ఫోకస్ చేస్తున్నాడు.

ఎవరు మీలో కోటీశ్వరులు ప్రెజెంట్ సీజన్ చివరి దశకు వచ్చింది. రెండవ సీజన్ కి హోస్ట్ చేయడానికి ఎన్టీయార్ నో చెప్పాడని టాక్ నడుస్తోంది. దాంతో ఎన్టీయార్ ఫుల్ ఫోకస్డ్ గా మూవీస్ ని వరసబెట్టి చేస్తాడని తెలుస్తోంది. ఇమీడియట్ గా ఎన్టీయార్ చేయబోయే మూవీ ఏంటి అంటే కొరటాల శివతో అంటున్నారు. కొరటాల శివ కూడా ఆచార్య సెట్స్ నుంచి బయటకు వచ్చేశాడు. కొత్త కధలు రెడీ చేసుకున్నాడు. అందులో ఒకటి ఎన్టీయార్ కి వినిపించి ఓకే చేయించుకున్నాడు అంటున్నారు.

ఈ స్టోరీ మీద లీక్స్ అయితే వస్తున్నాయి. ఇందులో ఎన్టీయార్ లోని ఫుల్ లెంగ్త్ యాంగ్రీ ఎమోషన్ ని కొరటాల పట్టుకుని కధ నడిపిస్తాడు అంటున్నారు. అవుట్ అండ్ అవుట్ యాంగ్రీ యంగ్ మాన్ గా ఈ మూవీలో ఎన్టీయార్ కనిపిస్తాడుట. అంటే ఫైర్ బ్రాండ్ అన్న మాట. ఎన్టీయార్ గతంలో ఈ కోణంలో సినిమాలు చేసినా కంప్లీట్ గా యాంగ్రీ యంగ్ మాన్ గా చేసి ఉండలేదు. దాంతో ఈ సబ్జెక్ట్ మీద విపరీతమైన ఆసక్తి ఏర్పడుతోంది. నందమూరి ఫ్యామిలీ హీరోల నటనలో యాంగ్రీనెస్ ఏంటో అందరికీ తెలుసు. ఆ హీరోలు ఈ కోణంలో చేయమంటే జీవించేస్తారు. బ్లాక్ బస్టలే కొడతారు.

ఇపుడు ఆ యాంగిల్ ని టచ్ చేస్తూ కొరటాల మూవీ చేయడం అంటే మరో బ్లాక్ బస్టర్ ఖాయమని రాసేసుకోవచ్చేమో. ఇక ఈ ఇద్దరి కాంబోలో జనతా గ్యారేజ్ వంటి సూపర్ డూపర్ హిట్ ఉంది. మొత్తానికి కొత్త ఏడాది మొదట్లో ఈ సినిమా షూటింగ్ స్టార్ట్ అవుతుంది అంటున్నారు. మరి ఎన్టీయార్ క్యారక్టర్ ని కొరటాల ఎలా డిజైన్ చేస్తాడో, ఫస్ట్ లుక్ ఎలా ఉంటుందో తెలుసుకోవాలంటే కాస్తా ఆగక తప్పదు మరి.