మెగా హీరోకి ఎన్టీఆర్ క్లాప్ కొట్టాడు

మెగా ఫ్యామిలీ హీరోలు అందరు మంచి జోష్ మీదే ఉన్నారు. స్టార్ట్ స్టేటస్ లో ఉన్నవారు ఏడాదికో సినిమా చేస్తున్నా.. కుర్ర హీరోలు మాత్రం చకచకా సినిమాలు చేసేస్తూ జోరు చూపిస్తున్నారు. సుప్రీం స్టార్ అని మెగా ఫ్యాన్స్ ముద్దుగా పిలుచుకుంటున్న సాయిధరం తేజ్ కొత్త సినిమా స్టార్ట్ చేసేశాడు.

బీవీఎస్ రవి దర్శకత్వంలో తెరకెక్కనున్న ఈ మూవీకి.. తాజాగా ముహూర్తం షాట్ చిత్రీకరించారు. ఈ మెగా హీరో మూవీకి.. నందమూరి స్టార్ హీరో ఎన్టీఆర్ ఫస్ట్ క్లాప్ కొట్టడం విశేషం. మెగా-నందమూరి వంశాల మధ్య పోటాపోటీ నెలకొన్న పరిస్థితుల్లో.. 'జవాన్' అనే టైటిల్ పై రూపొదంనున్న తేజు సినిమాకి యంగ్ టైగర్ క్లాప్ కొట్టడం హాట్ టాపిక్ అవుతోంది. ఈ మూవీలో హీరోయిన్ గా మెహ్రీన్ కౌర్ పీర్జాదా నటిస్తోంది.

'మా జవాన్ మూవీకి తొలి క్లాప్ ను ఎన్టీఆర్ కొట్టడంతో.. ఎగ్జైటింగ్ ప్రారంభం లభించింది. సాయిధరంతేజ్ హీరోగా బీవీఎస్ రవి దర్శకత్వంలో రూపొందనున్న ఈ చిత్రం షూటింగ్ ప్రారంభం కోసం ఎదురుచూస్తున్నా.. మమ్మల్ని ఆశీర్వదించండి' అంటూ టీమ్ అంతా ఎన్టీఆర్ అండ్ తేజ్ ఫోటోలను షేర్ చేస్తూ ఎక్సయిట్ అవుతున్నారు. ఈ కార్యక్రమానికి బాబాయ్ బాలకృష్ణ గెస్టుగా వస్తారని అనుకుంటే.. అబ్బాయ్ తారక్ విచ్చేసి ఇంకా ఎనర్జీ తెచ్చాడు.

Like Us on Facebook : https://www.facebook.com/Tupakidotcom/