గురూజీని వెన‌క్కి నెట్టి అసుర‌న్ ద‌ర్శ‌కుడితో?

2020 మోస్ట్ అవైటెడ్ మూవీ ఆర్.ఆర్.ఆర్ రిలీజ‌య్యేవ‌ర‌కూ స్టార్ల‌ను ఎటూ క‌ద‌ల‌కుండా ద‌ర్శ‌క‌ధీరుడు బ్లాక్ చేసిన సంగ‌తి తెలిసిందే. సెట్స్ లో ఉన్నంత సేపు ఆర్.ఆర్.ఆర్ ముచ్చ‌ట త‌ప్ప‌ మ‌రో టాపిక్ లేకుండా యూనిట్ డెడికేష‌న్ తో ప‌నిచేస్తున్నారు. వ‌చ్చే సంక్రాంతికి రిలీజ్ వాయిదా వేశారు కాబ‌ట్టి జ‌క్క‌న్న కూల్ గానే షూటింగ్ చేస్తున్నారు. న‌టీన‌టులు.. సాంకేతిక నిపుణుల‌కు కాస్త టైమ్ దొరికిందిప్పుడు. అయితే ఈలోగానే తారక్ .. చ‌ర‌ణ్ వీలు చూసుకుని ఇత‌ర ద‌ర్శ‌కుల క‌థ‌లు వినే ప‌నిలో ఉన్నార‌ట‌. తారక్ త‌దుప‌రి త్రివిక్ర‌మ్ తో సినిమా చేసే ప్లాన్ లో ఉన్నాడు. ఈలోగానే జాతీయ అవార్డు ద‌ర్శ‌కుడు `అసుర‌న్` ఫేం వెట్రీ మార‌న్ వినిపించిన క‌థ‌ను తార‌క్ లాక్ చేశార‌ని తెలుస్తోంది.

గురూజీ త్రివిక్ర‌మ్ తో పాటు వెట్రీ మార‌న్ తోనూ తార‌క్ ఖాయం చేసుకున్నాడు. అయితే గురూజీని సైతం ప‌క్క‌న పెట్టేలా వెట్రీమార‌న్ అదిరిపోయే స్క్రిప్టు వినిపించాడా? తార‌క్ ని లాక్ చేశాడా? అంటే దానిపై క్లారిటీ రావాల్సి ఉంది. వాస్త‌వానికి ఆర్.ఆర్.ఆర్ పూర్త‌యిన త‌ర్వాత త్రివిక్ర‌మ్ తో తార‌క్ సినిమా చేసేందుకు ఒప్పందం చేసుకున్నాడు. కానీ ఇటీవ‌లే అసుర‌న్ తో త‌మిళ్ -తెలుగు ప‌రిశ్ర‌మ‌ల్లో హాట్ టాపిక్ అయిన‌ వేట్రిమార‌న్ మ‌ధ్య‌లో దూరాడు.

అసుర‌న్ చూశాక‌.. సూప‌ర్ స్టార్ ర‌జ‌నీకాంత్ స‌హా ప‌లువురు త‌మిళ స్టార్లు అత‌నితో ఓ సినిమా చేస్తాన‌ని ప్రామిస్ చేసారు. అంటే వెట్రీ మార‌న్ పై హీరోల‌కు అంత గురి ఏర్ప‌డింది. ఇదే వేడిలో తార‌క్ కి వెంట్రీమార‌న్ స్క్రిప్ట్ వినిపించి ఓకే చేయించుకున్నార‌ట‌. ఈ చిత్ర‌న్ని ఎన్టీఆర్ ఆర్స్ట్ బ్యాన‌ర్ పై క‌ళ్యాణ్ రామ్ ప్ర‌తిష్టాత్మ‌కంగా నిర్మించాల‌ని డిసైడ్ అయ్యారట‌. అసుర‌న్ ద‌ర్శ‌కుడిపై క‌ళ్యాణ్ రామ్ సైతం ఎంతో కాన్ఫిడెంట్ గా ఉన్నారట‌. వెట్రీ మార‌న్ కు త‌మిళ్ లో వ‌స్తున్న ఆఫ‌ర్ల నేప‌థ్యంలో వీలైనంత త్వ‌ర‌గా సినిమా ప్రారంభించాల‌ని ఆత్రంగా ఉన్న‌ట్లు స‌మాచారం. ఈ సినిమాకు సంబంధించి రేపో మాపో అధికారిక ప్ర‌క‌ట‌న రానుంద‌న్న వార్త వేడెక్కిస్తుంది. అలాగైతే తార‌క్ ..త్రివిక్ర‌మ్ ని తాత్క‌లికంగా హోల్డ్ లో పెట్టేస్తాడా..? లేక‌పోతే ప‌వ‌న్ లా వ‌రుసగా ఒక‌దాని వెంట ఒక‌టిగా సినిమాల్ని ప్ర‌క‌టించి కాల్షీట్లు స‌ర్ధుబాటు చేస్తాడా? అన్న‌ది చూడాలి.