నాన్నకు ప్రేమతో.. అన్నీ పండగలే

ప్రతీ మూవీకి కొత్త లుక్ ట్రైచేయడం అలవాటుగా పెట్టుకున్న యంగ్ టైగర్ ఎన్టీఆర్... లేటెస్ట్ మూవీ నాన్నకు ప్రేమతో విషయంలో పీక్స్ కి వెళ్లిపోయాడు. హెయిర్ స్టైల్ నుంచి స్టైలింగ్ వరకూ అన్నింటిలోనూ డిఫరెంట్ గా కనిపిస్తున్నాడు ఎన్టీఆర్. సుకుమార్ డైరెక్షన్ లో వస్తున్న ఈ మూవీకి సంబంధించి. కొత్త అప్ డేట్ ఒకటి తెలిసింది. వచ్చేనెల దసరా సందర్భంగా.. పండుగ రోజుల్లో టీజర్ లాంఛ్ చేయాలని ఎన్టీఆర్ - సుకుమార్ లు నిర్ణయించారట.

దీంతో దసరా పండక్కి ఎన్టీఆర్ ఫ్యాన్స్ గిఫ్ట్ ఇవ్వబోతున్నాడన్న మాట. వినాయక చవితికి ఫస్ట్ లుక్ ఇచ్చారు. దసరాకి ఫస్ట్ టీజర్ లాంచ్ చేయబోతున్నారు. ఆ తర్వాత దీపావళికి మరో ట్రైలర్ అంటారు. క్రిస్మస్ - న్యూ ఇయర్ టైంలో ఆడియో లాంఛ్ చేస్తారని ఎక్స్ పెక్ట్ చేయచ్చు. సంక్రాంతి పండుగ సందర్భంగా జనవరి 8న మూవీ రిలీజ్ అని ఇప్పటికే ఫైనల్ చేసేశారు. అంటే ఎన్టీఆర్ సినిమా అంతా... పండుగల చుట్టూనే తిరుగుతోందన్న మాటే.

రకుల్ ప్రీత్ సింగ్ హీరోయిన్ గా నటిస్తున్న ఈ మూవీ.. యూరోప్ లోని సూపర్బ్ లొకేషన్ లలో షూటింగ్ జరుపుకుంటోంది. ఇప్పటికి రెండున్నర నెలలుగా.. నాన్నకు ప్రేమతో యూనిట్ అక్కడే ఉన్నారు. లేటెస్ట్ గా అక్కడ షూటింగ్ కంప్లీట్ చేసుకుని ఇండియాకి తిరగొచ్చింది హీరోయిన్ రకుల్. త్వరలో స్పెయిన్ వెళ్లి... అక్కడ యాక్షన్ సీక్వెన్స్ చిత్రీకరించనున్నారు.