స్పైడర్ పై ఎన్టీఆర్ ఏం చెప్పాడులే

యంగ్ టైగర్ నటించిన లేటెస్ట్ మూవీ జై లవ కుశ మరో మూడ్రోజుల్లో థియేటర్లలో సందడి చేయనుంది. గతంలో ఎన్నడూ లేని స్థాయిలో ఈ మూవీ కోసం ప్రచారం చేస్తున్నాడు యంగ్ టైగర్. పైగా దసరా హాలిడేస్ మొత్తాన్ని క్యాష్ చేసుకునే సదుపాయం జై లవ కుశకు ఉండడాన్ని పాజిటివ్ గా చెప్పాలి. అయితే.. ఎన్టీఆర్ జై లవకుశ.. మరో భారీ చిత్రమైన మహేష్ బాబు మూవీ స్పైడర్ తో పోటీ పడాల్సి ఉంది.

అయితే.. ఇది పోటీ అని తాను భావించడం లేదని ఎన్టీఆర్ చెబుతున్నాడు. సినిమాలో కంటెంట్ ఉంటే.. ఎన్ని సినిమాలు అయినా ఆడతాయని.. జనాలు ఆదరిస్తారని అంటున్నాడు. సంక్రాంతికి మూడు సినిమాలు రిలీజ్ అయితే.. అన్నిటికీ ప్రేక్షకుల ఆదరణ దక్కిన విషయాన్ని గుర్తు చేశాడు యంగ్ టైగర్. "చిరంజీవి గారి కెరీర్ లో ఖైదీ నంబర్ 150 బిగ్గెస్ట్ హిట్. బాలకృష్ణ గారి కెరీర్ లో గౌతమి పుత్ర శాతకర్ణి బిగ్గెస్ట్ హిట్. శర్వానంద్ కు శతమానం భవతి బిగ్గెస్ట్ హిట్. అన్ని సినిమాలు బాగా ఆడాయి" అన్నాడు ఎన్టీఆర్. ఒకే రోజున 100 సినిమాలు రిలీజ్ అయినా.. వాటిలో కంటెంట్ ఉంటే అన్ని సినిమాలు ఆడేస్తాయన్నది ఎన్టీఆర్ చెప్పిన మాట.

అఫ్ కోర్స్.. ఎన్టీఆర్ చెప్పిన మాటల్లో వాస్తవం ఉన్నా.. థియేటర్ల సంఖ్య పరిమితం కావడంతో.. కలెక్షన్స్ పంచుకోవాల్సి వస్తుందని డిస్ట్రిబ్యూటర్ల బాధ అంతే. ఆ పాయింట్ కూడా కాస్త నోట్ చేసుకోవాలి కదా!