సీజన్-2కు యంగ్ టైగర్ సై?

బిగ్ బాస్ ప్రోగ్రాంతో తెలుగు టీవీలో రియాలిటీ షో అన్న కాన్సెప్ట్ కు స్టార్ మా శ్రీకారం చుట్టింది. యంగ్ టైగర్ ఎన్టీఆర్ తొలిసారి టీవీ ప్రోగ్రాంకు హోస్ట్ చేయడంతో దీనికి ఎక్కడాలేని క్రేజ్ వచ్చింది. హోస్ట్ గా ఎంతవరకు మెప్పించగలడు అన్న డౌట్ వ్యక్తం చేసిన వారికి తన టాలెంట్ తో చక్కటి ఆన్సరిచ్చాడు ఎన్టీఆర్. ఇప్పుడు తెలుగు టీవీ ప్రోగ్రాంలలో బిగ్ బాస్ టాప్ లిస్టులో ఉందంటే అందుకు ఎన్టీఆర్ హోస్ట్ చేయడమే కారణమని నిస్సందేహంగా చెప్పొచ్చు. వీకెండ్స్ లో అతడు నింపుతున్న జోష్ ప్రేక్షకులు అందరినీ మెప్పిస్తోంది.

బిగ్ బాస్ అనుకున్న స్థాయిలో హిట్ కావడంతో ఈ ప్రోగ్రాం నిర్వాహకులు సీజన్-2 కూడా తీయాలని ప్రిపేర్ అవుతున్నారు. దీనికి కూడా ఎన్టీఆర్ నే హోస్ట్ గా కంటిన్యూ చేయాలని అనుకుంటున్నారనేది లేటెస్ట్ టాక్. ఇందుకు సంబంధించి అతడిని సంప్రదింపులు చేయగా ఎన్టీఆర్ నుంచి పాజిటివ్ రెస్పాన్స్ రావడంతో సీజన్-2కు తగ్గ ప్లానింగ్ చేసుకుంటున్నారు. బిగ్ బాస్ ప్రోగ్రాం ఎన్టీఆర్ కు ఉన్న ఫ్యాన్ బేస్ ను మెప్పించడంతోపాటు కొత్త ఫ్యాన్స్ ను సంపాదించి పెట్టింది. తన హోస్టింగ్ లో ఎలాంటి లోటుపాట్లు లేకుండా చూసుకుంటూ హుందాగా ప్రోగ్రాం నడిపిస్తున్న తీరు చూస్తున్న ప్రతి ఒక్కరినీ మెప్పిస్తోంది. ఓ రకంగా ఎన్టీఆర్ లోని ఫన్నీ యాంగిల్ ను ఈ షో జనాలకు పరిచయం చేసింది.

వీకెండ్స్ లో బిగ్ బాస్ కోసం కేటాయించిన ఎన్టీఆర్ మిగిలిన ఐదు రోజులు తన లేటెస్ట్ సినిమా జై లవకుశ కోసమే కేటాయించాడు. బాబీ డైరెక్షన్ లో వస్తున్న ఈ సినిమా షూటింగ్ దాదాపుగా ఓ కొలిక్కి వచ్చేసింది. సెప్టెంబర్ 21న థియేటర్లకు రానుంది. బిగ్ బాస్ ఫస్ట్ సీజన్ కోసం ఎన్టీఆర్ కు స్టార్ మా రూ. 7 కోట్ల వరకు ఇచ్చిందని ఇండస్ట్రీలో టాక్. సీజన్-2 కు ఈ మొత్తం మరింత పెరిగే అవకాశం ఉంది. హోస్ట్ గా తన సత్తా ఏంటో ప్రూవ్ చేసుకున్నాడు కాబట్టి రేటు పెంచడంలో తప్పు లేదులెండి.