ఎన్టీఆర్ కి అంతే అమౌంట్ ఇచ్చాడట

ఒకే కుటుంబానికి చెందిన హీరోలు నిర్మాతలు టాలీవుడ్ లో ఎంతో మంది ఉన్నారు. అయితే కొందరు హీరోల మార్కెట్ ను దృష్టిలో ఉంచుకొని వారి కుటుంబ సభ్యులే సినిమాను నిర్మించడం చూస్తూనే ఉంటాం. మరి కొందరు హీరోకి హిట్స్ లేకుంటే కొంచెం డబ్బులు సహాయం చేస్తూ సినిమాను నిర్మిస్తూ ఉంటారు. అయితే ఇప్పుడు టాలీవుడ్ లో ఒక రూమర్ హల్ చల్ చేస్తోంది.

నిర్మాత మరియు హీరోగా తనకంటూ మంచి గుర్తింపు తెచ్చుకున్న కళ్యాణ్ రామ్ ప్రస్తుతం తన సోదరుడైన యంగ్ టైగర్ ఎన్టీఆర్ తో జై లవ కుశ సినిమాను నిర్మిస్తున్న సంగతి తెలిసిందే. అయితే ఈ సినిమాకి తారక్ తక్కువ రెమ్యునరేషన్ తీసుకున్నట్లు వార్తలు వస్తున్నాయి. ఎందుకంటే కిక్-2 సినిమాతో భారీగా నష్టపోయిన కళ్యాణ్ రామ్ మళ్లీ రికవర్ అవ్వడానికి ఎన్టీఆర్ మార్కెట్ ను యూస్ చేసుకుంటున్నాడు అనే వార్తలు తెగ హల్ చల్ చేస్తున్నాయి. కానీ అసలు విషయంలోకి వెళితే కళ్యాణ్ రామ్ అలా ప్రవర్తించడం లేదని తెలుస్తోంది. ఓ విధంగా సోదరభావం ఉన్నా మరో వైపు హీరోకి ఇవ్వాల్సిన రెమ్యునరేషన్ రూల్ ప్రకారం కళ్యాణ్ రామ్ ఇచ్చేశాడట. ఎన్టీఆర్ ప్రస్తుతం 14 కోట్లు తీసుకుంటున్నాడని టాక్.

సాధారణంగా హీరోలు వారి దగ్గరి వారితో సినిమా తీసినప్పుడు రెమ్యునరేషన్ ని కాస్త తక్కువగానే తీసుకుంటారు. కానీ కళ్యాణ్ రామ్ ఆ అడ్వాంటేజ్ ని తీసుకోకుండా ఇవ్వాల్సింది ఇచ్చేశాడా ని తెలుస్తోంది. ఇక జై లవ కుశ సినిమా సెప్టెంబర్ 21న ప్రేక్షకుల ముందుకి రానుంది. కె.ఎస్. రవీంద్ర దర్శకత్వం వహించిన సంగతి తెలిసిందే.