పిక్‌ టాక్‌ః కొడుకుతో బైక్‌ పై కొమురం భీమ్‌ చక్కర్లు

ఎన్టీఆర్‌ సినిమాలతో ఎంత బిజీగా ఉన్నా కూడా ఫ్యామిలీకి తప్పకుండా టైమ్‌ స్పెండ్‌ చేస్తాడు. ఆ విషయాన్ని ఎన్టీఆర్ పలు ఇంటర్వ్యూల్లో చెప్పుకొచ్చాడు. తన ఇద్దరు కొడుకులకు కావాల్సినంత సమయంను కేటాయించడంతో పాటు వారికి కొత్త విషయాలను కూడా నేర్పిస్తూ ఉంటానంటూ పేర్కొన్నాడు. ఇక ఎన్టీఆర్‌ సరదాగా పిల్లలతో రైడ్‌ కు కూడా వెళ్తాడని తాజాగా సోషల్‌ మీడియాలో ట్రెడ్డింగ్‌ లో ఉన్న ఈ ఫొటోను చూస్తే అర్థం అవుతుంది. ఎన్టీఆర్‌ చిన్నబ్బాయి భార్గవ్‌ రామ్‌ తో కలిసి బైక్ పై అలా సరదాగా చక్కర్లు కొట్టాడు. ఎన్టీఆర్ హెల్మెట్ పెట్టుకోవడం వల్ల గుర్తు పట్టలేక పోయారు. కాని భార్గవ్ రామ్‌ ను కొందరు గుర్తించి ఆ తర్వాత ఎన్టీఆర్‌ గా గుర్తించారు.

రోడ్డు మీద ఎన్టీఆర్‌ వెళ్తుండగా కొందరు ఫొటోలు తీసేందుకు ఆసక్తి చూపించారు. బుల్లెట్‌ బైక్ పై ఎన్టీఆర్ డ్రైవ్‌ చేస్తుండగా ముందు అభయ్ రామ్‌ కూర్చున్నాడు. వెనుక ఎవరో వ్యక్తి కూర్చుని ఉన్నాడు. ఎన్టీఆర్‌ అలా రోడ్డు మీదకు బైక్ తో రావడం కామన్‌ గా జరుగుతుందట. కాని అభయ్ తో రావడం ఈసారి ప్రత్యేకంగా ఆయన అభిమానులు చెబుతున్నారు. ఈ ఫొటో నెట్టింట వైరల్‌ అవుతుంది. కొందరు ఈ ఫొటోకు అభయ్‌ రామ్‌ మాస్క్‌ ఎక్కడ ఎన్టీఆర్‌ గారు అంటూ కామెంట్స్ చేస్తుంటే మరి కొందరు ఫొటో బాగుందంటూ కామెంట్స్ చేస్తున్నారు.

ప్రస్తుతం ఎన్టీఆర్‌ ఆర్‌ ఆర్‌ ఆర్‌ సినిమా షూటింగ్‌ తో బిజీగా ఉన్నాడు. అయినా కూడా టైమ్‌ చూసుకుని వీలు కల్పించుకుని మరీ ఇలా సరదాగా కొడుకుతో బైక్ రైడ్‌ కు ఎన్టీఆర్‌ వెళ్లాడు. ఆర్‌ ఆర్‌ ఆర్ లో ఎన్టీఆర్ కొమురం భీమ్‌ పాత్రలో కనిపించబోతున్న విషయం తెల్సిందే. భారీ అంచనాల నడుమ రూపొందుతున్న ఈ సినిమాను అక్టోబర్‌ లో ప్రేక్షకుల ముందుకు తీసుకు రాబోతున్నారు. ఆర్ ఆర్ ఆర్ తర్వాత ఎన్టీఆర్‌ తన 30వ సినిమాను కొరటాల శివ దర్శకత్వంలో చేయబోతున్న విషయం తెల్సిందే.