శృతి చేయాల్సిందే అంటున్న శివ

కొరటాల శివ... శ్రీమంతుడు సినిమా సూపర్‌ హిట్‌ అయ్యాక ఈ పేరు టాలీవుడ్‌ లో మార్మోగిపోతోంది అంతే. మిర్చి సినిమాతో హిట్‌ కొట్టినా కూడా మనోడు దాదాపు ఒకటిన్నర సంవత్సరం వెయిట్‌ చేస్తే కాని మనోడి రెండో సినిమా రాలేదు. కాకపోతే శ్రీమంతుడు వచ్చాక మాత్రం రచ్చ రచ్చే అయిపోయింది. శివ సూపర్‌ ఫ్యామస్‌ అయిపోయాడు.

ఇప్పుడు మనోడి మూడో సినిమా ఏంటి అంటూ అందరూ వర్రీ అవుతున్న సమయంలో.. వెంటనే ఎన్టీఆర్‌ తో సినిమాను ప్రకటించేశాడు కొరటాల. జనవరిలో ఈ సినిమా సెట్ పైకి వెళ్లనుంది. అయితే ఈ సినిమాలో హీరోయిన్‌ ఎవరు అనేది కూడా ఒక పెద్ద సంగతే. ఎన్టీఆర్‌ ఎవరైనా కొత్త బాలీవుడ్ హీరోయిన్‌ ను ట్రై చేద్దాం అనుకుంటుంటే.. మన కొరటాల మాత్రం శ్రీమంతుడు సినిమాతో కలిసొచ్చిన శృతి హాసన్‌ నే తీసుకుందాం అంటున్నాడట. కాకపోతే రామయ్య వస్తావయ్యా సినిమాతో శృతి యంగ్‌ టైగర్‌ కు ఫ్లాపునే ఇచ్చింది. కాని ఆ సినిమాలో అమ్మడు ఎంతో గ్లామరస్‌ గా కనిపించిందిలే.

మరి శృతి హాసన్‌ నే ఫైనల్‌ చేస్తారా లేకపోతే ఇంకెవరైనా హీరోయిన్‌ ను తీసుకుంటారా అనేది మాత్రం చూడాల్సిందే.