ఆ నెంబర్ కి ఎన్టీఆర్ కి చాలా లింక్

యంగ్ టైగర్ ఎన్టీఆర్ రీసెంట్ గా తన కార్ నెంబర్ కోసం 11 లక్షలు ఖర్చు చేశాడనే విషయం తెలిసిందే. కోటీ 60 లక్షల రూపాయల విలువైన బీఎండబ్ల్యూ కార్ కి నెంబర్ కోసం ఈ మొత్తాన్ని చెల్లించాడు ఎన్టీఆర్. అయితే.. ఈ నెంబర్ కి ఇంత మొత్తం కట్టాడంటే.. ఖచ్చితంగా ఇది ఎన్టీఆర్ కి సెంటిమెంట్ అనే విషయం అర్ధమవుతుంది. కానీ ఎంత పెద్ద సెంటిమెంటో అర్ధం అయితే ఆశ్చర్యం వేస్తుంది.

ఈ 9999 నెంబర్ ని ఉపయోగించే అలవాటు సీనియర్ ఎన్టీఆర్ నుంచి నందమూరి ఫ్యామిలీకి ఉంది. అందుకే కళ్యాణ్ రామ్ సహా ఇతర హీరోలు వాడే కార్లకు కూడా ఇదే నెంబర్లు ఉంటాయి. గతంలో కూడా ఇలా తన కార్ నెంబర్ 9999 కోసం ఆదిలాబాద్ నుంచి రిజిస్ట్రేషన్ చేయించి తెచ్చుకున్నాడు జూనియర్. అప్పట్లో అంటే నడిచిపోయింది కానీ.. ఇప్పుడదే పని చేస్తే.. అక్కడి స్థానికుడు కాదు కాబట్టి వివాదం చెలరేగే అవకాశం ఉంది. అందుకే ఓపిగ్గా ఓపిక పట్టి మరీ తన కారుకు 9999 నెంబర్ ను తెచ్చుకున్నాడు జూనియర్.

అభిమానులు ఇక్కడ తెలుసుకోవాల్సిన విషయం ఇంకోటి ఏంటంటే.. యంగ్ టైగర్ ట్విట్టర్ హ్యాండిల్ కి tarak9999 అనే పేరు ఉంటుంది. అక్కడ కూడా ఈ నెంబర్ ని ఉపయోగించాడని గుర్తు చేసుకుంటే... ఈ నెంబర్ తో జూనియర్ ఎన్టీఆర్ కి ఏ రేంజ్ సెంటిమెంట్ ఉందో అర్ధమవుతుంది. మరి ఆ రేంజ్ సెంటిమెంట్ అంటే 11 లక్షలేంటీ.. ఇంకా ఎంతైనా ఇచ్చేందుకు ఎన్టీఆర్ సై అంటాడనడంలో సందేహం అక్కర్లేదు.