ఫోటో స్టొరీ: స్పెషల్ ఫ్లైట్ లో ఎన్టీఆర్ టీమ్

నందమూరి బాలకృష్ణ ప్రతిష్టాత్మకంగా చేపట్టిన ప్రాజెక్ట్ ఎన్టీఆర్ బయోపిక్ ప్రేక్షకుల ముందుకు వచ్చే తరుణం ఆసన్నమయింది. బయోపిక్ లోని మొదటి భాగం 'ఎన్టీఆర్ కథానాయకుడు' బుధవారం నాడు విడుదల అవుతోంది. సంక్రాంతి సీజన్లో రిలీజ్ కానున్న మొదటి సినిమా కావడంతో తెలుగు రాష్ట్రాల్లో దాదాపు అన్నీ థియేటర్లను ఈ సినిమానే ఆక్యుపై చెయ్యనుంది.

ఇదిలా ఉంటే ఎన్టీఆర్ బయోపిక్ టీమ సినిమా విడుదల కు ముందుగా తిరుమల వెంకటేశ్వర స్వామి దర్శనానికి హైదరాబాద్ నుండి తరలి వెళ్ళారు. సినిమా విజయం కోసం ఏడుకొండల స్వామివారి ఆశీస్సుల కోసం నందమూరి బాలకృష్ణ.. విద్యా బాలన్.. సాయి కొర్రపాటి.. విష్ణు ఇందూరి.. నందమూరి కళ్యాణ్ రామ్.. సుమంత్ లు కలిసి తిరుమలకు పయనమయ్యారు. ఈ ట్రిప్ కోసం స్పెషల్ గా ఒక చార్టర్డ్ ఫ్లైట్ ను బుక్ చేసుకున్నారని సమాచారం. స్వామివారి దర్శనానంతరం తిరుపతిలో సినిమా ప్రమోషన్ కార్యక్రమంలో పాల్గొన్న తర్వాత హైదరాబాద్ కు తిరిగి వస్తారట.

విడుదల సందర్భంగా బాలయ్య అభిమానులతో కలిసి రేపు హైదరాబాద్ లో సినిమాను చూస్తారట. సినిమాపై భారీగా అంచనాలు ఉండడంతో అడ్వాన్సు బుకింగులు జోరుగా సాగుతున్నాయి. బాలయ్య కు సంక్రాంతి సీజన్ లో విజయాల శాతం ఎక్కువ. హిట్ టాక్ వస్తే మాత్రం ఆకాశమే హద్దుగా చెలరేగిపోవడం ఖాయం. నాటుగా చెప్తే బాక్స్ ఆఫీసుకు దబిడిదిబిడే...!