ఎన్టీఆర్ - త్రివిక్ర‌మ్:ప్లానింగ్ మామూలుగా లేదుగా!

ముందు సినిమా తీసేద్దాం.. రిలీజ్ గొడ‌వ త‌ర్వాత చూసుకుందాం అన్న‌ట్టుగా ఉండేది టాలీవుడ్లో ప‌రిస్థితి. కానీ.. ఈ సిచుయేష‌న్ ఫాస్ట్ గా మారిపోతోంది. కొంద‌రు సినిమా ప్రారంభం రోజునే రిలీజ్ డేట్ కూడా అనౌన్స్ చేస్తుంటే.. మ‌రికొంద‌రు అంత‌క‌న్నా ముందుగానే సినిమా ప్రారంభం తేదీని.. విడుద‌ల తేదీని ప్ర‌క‌టిస్తున్నారు! ఇప్పుడు ఎన్టీఆర్ - త్రివిక్ర‌మ్ మూవీ ఈ విధంగానే ప‌ట్టాలెక్క‌బోతోంది!

ప్ర‌స్తుతం జ‌క్క‌న్న‌తో బిజీగా ఉన్న ఎన్టీఆర్‌.. ఇటు ‘ఎవ‌రు మీలో కోటీశ్వ‌రుడు’కు సైతం డేట్లు కేటాయించాడు. అటు ఏప్రిల్ లోగా RRRకు గుమ్మ‌డికాయ కొట్టేయ‌బోతున్నార‌ని టాక్‌. దీంతో.. ఇవ‌న్నీ లెక్క‌లు వేసుకొని త్రివిక్ర‌మ్ సినిమాకు డేట్స్ కేటాయించాడ‌ట జూనియ‌ర్‌.

ఈ లెక్క ప్ర‌కారం.. ఏప్రిల్ 13న ఎన్టీఆర్‌-త్రివిక్ర‌మ్ మూవీ లాంఛ‌నంగా ప్రారంభం కానుంది. ఆ త‌ర్వాత మొద‌ల‌య్యే రెగ్యుల‌ర్ షూట్ కంటిన్యూస్ గా కొన‌సాగుతుంది. వ‌రుస షెడ్యూల్స్ ప్లాన్ చేసి, డిసెంబ‌ర్ చివ‌రి నాటికి మొత్తం సినిమా కంప్లీట్ చేసి గుమ్మ‌డికాయ కొట్టేయాల‌నే ప్లాన్ లో ఉంది యూనిట్‌.

ఆ త‌ర్వాత వెంట‌నే పోస్ట్ ప్రొడ‌క్ష‌న్ వ‌ర్క్ మొద‌ల‌వుతుంది. ఏప్రిల్ నాటికి ఈ ప‌ని కూడా ఫినిష్ చేసి, ఇక ప్ర‌మోష‌న్ పై దృష్టిపెడ‌తార‌న్న‌మాట‌. ఇవ‌న్నీ ప‌క్కాగా కంప్లీట్ చేసుకుని 2022 ఏప్రిల్ 29న ఈ మూవీని థియేట‌ర్లో రిలీజ్ చేయ‌నున్నారు. అద్భుత‌మైన ప్లానింగ్ ముందుకెళ్తున్న ఈ చిత్రాన్ని హారిక హాసిని క్రియేషన్స్, ఎన్టీఆర్ ఆర్ట్స్ సంయుక్తంగా నిర్మిస్తున్నాయి.