'స్టార్ హీరో - డైరెక్టర్' ఇద్దరూ ఆ సినిమాను పక్కన పెట్టేసారా..?

టాలీవుడ్ ఇండస్ట్రీలో ఎన్టీఆర్ - త్రివిక్రమ్ కాంబినేషన్ కి ఎంతో క్రేజ్ ఉంది. వీరి కాంబినేషన్లో రూపొందిన 'అరవింద సమేత' మూవీ 2018 సూపర్ హిట్లలో ఒకటి. అటు ఎన్టీఆర్, ఇటు త్రివిక్రమ్ ఇద్దరు ప్రశంసలు పొందారు. త్రివిక్రమ్, ఎన్టీఆర్ కలిస్తే ఆ మ్యాజిక్ వేరేగా ఉంటుందని పేరు. ఎన్టీఆర్ నుండి కొత్తరకం బాడీ లాంగ్వేజ్, డైలాగ్స్ పలికించాడు త్రివిక్రమ్. ఆ సినిమా తర్వాత ఎన్టీఆర్ రాజమౌళి 'ఆర్ఆర్ఆర్' సినిమాతో బిజీ అయిపోయాడు. త్రివిక్రమ్ అల్లు అర్జున్ తో కలిసి 'అల వైకుంఠపురంలో' సినిమాతో ఈ ఏడాది సంక్రాంతికి భారీ విజయాన్ని తన ఖాతాలో వేసుకున్నాడు. అయితే తదుపరి సినిమా ఎన్టీఆర్ తోనే తెరకెక్కించనున్నట్లు ఎప్పుడో ప్రకటించాడు. ఈ సినిమా కోసం ఎన్టీఆర్ కూడా ఆసక్తిగానే ఉన్నాడట. అయితే షూటింగ్ ప్రారంభం కాకముందే ఈ సినిమాకు 'అయినను పోయిరావలె హస్తినకు' అనే టైటిల్ ఖరారు చేశారు చిత్రాబృందం.

అయితే తాజా సమాచారం ప్రకారం.. ఈ సినిమా ఇప్పట్లో పట్టాలెక్కేలా లేదట. ఎందుకంటే ఎన్టీఆర్ ఆర్ఆర్ఆర్ సినిమా చిత్రీకరణలో బిజీగా ఉన్నాడు. ఇంకా ఆ సినిమా షూటింగ్ కూడా ఎప్పుడు ముగుస్తుందో తెలియట్లేదు. ఈ నేపథ్యంలో త్రివిక్రమ్ తన సినిమాకి చాలా గ్యాప్ వస్తుందని భావించి.. ఈ గ్యాప్ లో మరో సినిమా తీద్దామని అనుకుంటున్నట్లు టాక్ నడుస్తుంది. ఇదివరకు 'అయినను పోయిరావలె హస్తినకు' సినిమా కంటే ముందు ఏ సినిమా తీయట్లేదని.. కేవలం ఎన్టీఆర్ సినిమా స్క్రిప్ట్ పనుల మీద దృష్టి పెట్టినట్లు తెలిపిన త్రివిక్రమ్.. ఇప్పుడు హీరో రామ్ తో సినిమా చేసేందుకు ఉత్సాహంగా ఉన్నట్లు సన్నిహిత వర్గాల సమాచారం. అలాగే ఎన్టీఆర్ కూడా ఆర్ఆర్ఆర్ తర్వాత ప్రశాంత్ నీల్ దర్శకత్వంలో భారీ యాక్షన్ సబ్జెక్టు ప్లాన్ చేసే ఆలోచనలో ఉన్నట్లు తెలుస్తుంది. ఈ విషయం తెలిసే త్రివిక్రమ్.. ఎన్టీఆర్ తో సినిమాను లైట్ తీసుకొని రామ్ తో ప్లాన్ చేస్తున్నాడని వినికిడి. చూడాలి మరి ముందుగా ఎవరి సినిమా రానుందో..!