మెగా హీరోకి అండగా ఎన్టీఆర్..!

మెగా ఫ్యామిలీ నుంచి వచ్చి మెగా ఫ్యాన్స్ ని అలరిస్తూ వస్తున్న మెగా మేనల్లుడు సాయి ధరమ్ తేజ్ లాస్ట్ ఇయర్ తనకు జరిగిన యాక్సిడెంట్ వల్ల చాలా ఇబ్బంది పడ్డాడు. హీరోగా ఎప్పుడూ ఫుల్ ఎనర్జీతో కనిపించే సాయి ధరం తేజ్ ఆఫ్టర్ యాక్సిడెంట్ ఆ ఎనర్జీ మిస్ అయ్యాడని అనిపిస్తుంది. అయితే తనని తాను మరోసారి ప్రూవ్ చేసుకోవడానికి సిద్ధమవుతున్నాడు ఈ మెగా హీరో. ప్రస్తుతం కార్తీక్ డైరక్షన్ లో మూవీ చేస్తున్న సాయి ధరం తేజ్ ఈ మూవీతో తన సత్తా చాటాలని చూస్తున్నాడు. పీరియాడికల్ థ్రిల్లర్ మూవీ గా రాబోతున్న ఈ సినిమా గురించి లేటెస్ట్ అప్డేట్ ఫ్యాన్స్ ని అలరిస్తుంది.

సినిమా షూటింగ్ ఎప్పటినుంచో జరుగుతున్నా ఇంతవరకు సినిమా నుంచి ఎలాంటి అప్డేట్ ఇవ్వలేదు. లేటెస్ట్ గా చిత్ర యూనిట్ డిసెంబర్ 7న ఈ మూవీ ఫస్ట్ లుక్ టీజర్ రిలీజ్ చేయాలని ఫిక్స్ అయ్యారు. సాయి ధరం తేజ్ మూవీ ఫస్ట్ లుక్ టీజర్ యంగ్ టైగర్ ఎన్టీఆర్ రిలీజ్ చేస్తారని తెలుస్తుంది.

సినిమాలతో ఎంత పోటీ పడ్డా ఒకరి సినిమాలను మరొకరు ఎంకరేజ్ చేయడంలో తెలుగు హీరోలు ముందుంటారు. ఈ క్రమంలో యువ హీరో సాయి ధరం తేజ్ సినిమాకు అండగా నిలబడుతున్నారు ఎన్టీఆర్. RRR తో మెగా పవర్ స్టార్ రాం చరణ్ తో కలిసి స్క్రీన్ షేర్ చేసుకున్న తారక్ ఇప్పుడు మరో మెగా హీరో సినిమాకు సపోర్ట్ ఇవ్వడం క్రేజీగా మారింది.

ఆయన చేతుల మీదుగా సాయి ధరం తేజ్ 15వ సినిమా ఫస్ట్ లుక్ టీజర్ రిలీజ్ చేస్తారట. సుకుమార్ అసిస్టెంట్ గా చేసిన కార్తీక్ తన మొదటి సినిమానే ఒక భారీ ప్రయోగం చేస్తున్నట్టు తెలుస్తుంది. మెగా హీరో మూవీ అదికూడా ఎన్టీఆర్ తో ప్రమోషన్ సినిమా కచ్చితంగా మెగా నందమూరి ఫ్యాన్స్ కి రీచ్ అయ్యే ఛాన్స్ ఉంది.

ఇక ఈ మూవీలో సాయి ధరం తేజ్ సరసన భీమ్లా నాయక్ భామ సంయుక్త మీనన్ నటించింది. భీమ్లా నాయక్, బింబిసార సినిమాలతో సంయుక్త రెండు బ్యాక్ టు బ్యాక్ హిట్లు అందుకుంది.

మెగా హీరోతో చేస్తున్న సినిమాకి కూడా ఆమెకు ప్లస్ అయ్యేలా ఉంది. చివరగా రిపబ్లిక్ సినిమాతో ప్రేక్షకుల ముందుకు వచ్చిన సాయి తేజ్ ఆ మూవీ రిలీజ్ టైం లోనే యాక్సిడెంట్ అవడంతో ఆశించిన ఫలితం అందుకోలేదు. అందుకే రాబోతున్న ఈ మూవీతో బాక్సాఫీస్ పై తన ప్రతాపం చూపించాలని ఫిక్స్ అయ్యాడు సాయి తేజ్.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.