జక్కన్న కోసం టైగర్ ట్వీటేశాడు

యంగ్ టైగర్ ఎన్టీఆర్ సోషల్ మీడియాలో కనిపించి చాలా కాలమే అయింది. నాన్నకు ప్రేమతో రిలీజ్ కి ముందు ఓ సారి హ్యాకింగ్ అంటూ హడావిడి జరిగింది. అ తర్వాత మూవీ సక్సెస్ అవడంతో సంతోషించాడు. ఆ తర్వాత మాత్రం అభిమానులకు ఎన్టీఆర్ బాగా దూరమైపోయాడు. కనీసం కొత్త సినిమా సంగతులు కూడా పంచుకోవడం మానేశాడీ నందమూరి హీరో. రీసెంట్ గా ఊపిరి రిలీజ్ కి మూరి ఎన్టీఆర్ పేరు వార్తల్లోకొచ్చింది.

ఈ చిత్రంలో హీరో కార్తి పోషించిన పాత్రను ఎన్టీఆర్ ను చేయమని మొదట అడిగినట్లు చెప్పడంతో.. ఎన్టీఆర్ దీనిపై ఎలా స్పందిస్తాడనే ఆసక్తి నెలకొంది. ఆశ్చర్యకరంగా సినిమా విడుదలకు ముందు కానీ రిలీజ్ అయ్యి హిట్ టాక్ తెచ్చుకున్నాక కానీ జూనియర్ స్పందించలేదు. కానీ ఇప్పుడు ఎన్టీఆర్ నుంచి ట్వీట్ వచ్చింది. తనకు ఎంతో ఇష్టమైన డైరెక్టర్ అయిన రాజమౌళి చిత్రీకరించిన బాహుబలికి జాతీయ స్థాయి అవార్డు రావడంతో.. ప్రశంసిస్తూ ట్వీట్ చేశాడు ఎన్టీఆర్.

'63వ జాతీయ చలన చిత్ర అవార్డుల్లో బాహుబలికి జాతీయ ఉత్తమ చిత్రం అవార్డు లభించడం సంతోషంగా ఉంది. బాహుబలి యూనిట్ మొత్తానికి అభినందనలు. అంతే కాదు.. ఇది ఆ ఒక్క చిత్ర యూనిట్ మాత్రమే కాదు.. మొత్తం తెలుగు సినిమా ఇండస్ట్రీ ఆనందించాల్సిన సందర్భం ' అంటూ ట్వీట్ చేశాడు యంగ్ టైగర్ ఎన్టీఆర్.