మహేష్ హీరోయిన్ చెల్లి కూడా వచ్చేస్తోంది

మహేష్ బాబుతో వన్ నేనొక్కడినే మూవీలో నటించిన కృతి సనోన్ కి ఓ చిట్టి చెల్లెలు ఉంది. ఈమె పేరు నూపుర్ సనోన్. గతంలో పెద్దగా ఎవరికీ తెలీదు కానీ.. రీసెంట్ గా షారూక్ మూవీ దిల్ వాలే రిలీజ్ అయ్యాక బాగా నోటీస్ అయింది ఈ భామ. అయితే యాక్టర్ గా కాదు. ఈమె బేసిక్ గా క్లాసికల్ సింగర్.

జనమ్ జనమ్ సాంగ్ తో అందరూ ఈమె ట్యాలెంట్ ని గుర్తించారు. ఈ పాటకు మేకింగ్ సాంగ్ కూడా రిలీజ్ చేయడంతో.. నూపుర్ ను అందరూ గుర్తించారు కూడా. ఒక్కసారిగా హీరోయిన్ సిస్టర్ కి క్రేజ్ పెరిగిపోయింది. పైగా ఇప్పటికే ఈ సాంగ్ కి యూట్యూబ్ లో 10 లక్షలకు పైగా క్లిక్స్ వచ్చాయంటే.. ఈ పాట ఎంతగా ఫేమస్ అయిందో అర్ధమవుతుంది. అన్నిటికీ మించి ఈమె సున్నితమైన వాయిస్ చాలామందికి నచ్చేసింది కూడా. ప్రస్తుతం నూపుర్ సనోన్ హీరోయిన్ కానుందనే వార్తలో బాలీవుడ్ లో హల్ చల్ చేస్తున్నాయి. మరి ఈమెను సంప్రదించినది ఎవరో బయటకు రాలేదు కానీ.. హీరోయిన్ ఎంట్రీ మాత్రం ఫిక్స్ అంటున్నారు.

అయితే తన చెల్లి హీరోయిన్ అవుతున్న విషయం తనకు తెలీదని కృతి సనోన్ చెప్పడం విశేషం. కాకపోతే ఏదో ఒక రోజు తన చెల్లెలితో కలిసి తను స్క్రీన్ పంచుకోవడం మాత్రం ఖాయం అని ఆశిస్తున్నట్లు చెప్పిందీ భామ. మొత్తానికి అక్కా చెల్లెళ్లిద్దరూ కలిసి ఇండస్ట్రీలన్నీ చుట్టేయడానికి డిసైడ్ అయినట్లున్నారు. చూస్తుంటే మరో నగ్మా-జ్యోతికల రేంజ్ లో ఈ అక్కా చెల్లెళ్లు హల్ చల్ చేస్తారని చాలామంది చెప్పుకుంటున్నారు.