అన్నపూర్ణలో ప్రభాస్ కి స్పెషల్ ఆఫీస్

బాహుబలి రిలీజ్ అయ్యాక ప్రభాస్ రేంజ్ మారిపోయింది. ఇండియావైడ్ గుర్తింపు రావడంతో ప్రస్తుతం డార్లింగ్ తన మార్కెట్ ని మొత్తం దేశం అంతా విస్తరించుకుంటూ పోతున్నాడు. తన అప్ కమింగ్ మూవీ సాహో కి ఇప్పటికే బాలీవుడ్ నుంచి భారీ ఆఫర్లు వస్తున్నాయి. ఏకంగా 400 కోట్ల డీల్ సెట్ అయ్యేలా ఉందని చిత్ర వర్గాలు చెబుతున్నాయి. అయితే అంతా మొత్తం లో సినిమా బిజినెస్ జరిగాలంటే అంతే రేంజ్ లో సినిమాని తెరకెక్కించాలని సాహోని నిర్మిస్తున్న నిర్మాణ సంస్థ యూవీ క్రియేషన్స్ వారు ఫిక్స్ అయినట్లు తెలిసింది. అందుకే ఈ సినిమాకు భారీగా బడ్జెట్ కేటాయించినట్లుగా వార్తలు వస్తున్నాయి.

ఇప్పటికే ముందుగా అనుకున్న మూడు షెడ్యూల్స్ కోసం దాదాపు 120 కోట్లు ఖర్చు పెట్టేందుకు యూవీ వారు రెడీ అయినట్లు మార్కెట్ లో ఓ టాక్ నడుస్తోంది. ప్రస్తుతం సాహో కి సంబంధించిన రెండో షెడ్యూల్ హైదరాబాద్ అన్నపూర్ణ స్టూడియోస్ లో జరుగుతోంది. నేటితో ముగియబోతున్న ఈ షెడ్యూల్ కోసం స్టూడియో లో ప్రభాస్ ఆఫీస్ సెటెప్ కి ఓ అద్భుతమైన సెట్ వేసినట్లుగా వార్తలు వినిపిస్తున్నాయి. ఇందుకోసం భారీగా అపిల్ కంప్యూటర్లు అద్దేకి తీసుకున్నట్లుగా సమాచారం. దీంతో ప్రభాస్ కి అన్నపూర్ణలో ఓ ఆఫీస్ ఇచ్చారనే ఫన్నీ కామెంట్స్ ప్రస్తుతం సోషల్ మీడియాలో హల్ చల్ చేస్తున్నాయి. ఇక ఈ షెడ్యూల్ తరువాత ప్రభాస్ ఫారిన్ షెడ్యూల్ కోసం యూరప్ వెళ్లబోతున్నాడు. క్రొయేషియా - కోలిన్ - ట్యూరిన్ తదితర ఫారిన్ లొకేషన్స్ లో పాటలు అలానే కీలక పోరాట సన్నివేశాలు తెరకెక్కించేందుకు యూవీ టీమ్ ప్లాన్ చేస్తోంది. రన్ రాజా రన్ ఫేమ్ సుజిత్ ఈ సినిమాకు దర్శకుడు. బాలీవుడ్ బ్యూటీ శ్రద్ధాకపూర్ ఈ మూవీతో టాలీవుడ్ కి ఎంట్రీ ఇస్తోంది.