వీడియో : ఓ సీతా హే రామా బ్యూటీఫుల్‌ సాంగ్‌

దుల్కర్ సల్మాన్‌ హీరోగా మృణాల్‌ ఠాకూర్ జంటగా హను రాఘవపూడి దర్శకత్వంలో రూపొందిన సీతారామం సినిమా గత నెలలో ప్రేక్షకుల ముందుకు వచ్చి భారీ విజయాన్ని సొంతం చేసుకున్న విషయం తెల్సిందే. చిన్న సినిమా గా తెరకెక్కి విడుదల అయిన సీతారామం సినిమా భారీ విజయాన్ని సొంతం చేసుకుని పెద్ద సినిమా గా నిలిచింది.

దర్శకుడు హను రాఘవపూడి ఒక క్లాసిక్‌ లవ్‌ స్టోరీ సినిమాను ప్రేక్షకులకు అందించాడు అంటూ అభిమానులు మరియు రివ్యూవర్స్ అభిప్రాయం వ్యక్తం చేశారు. మాస్ సినిమా బింబిసార ను మించి ఈ సినిమా థియేటర్లలో సందడి చేసింది. బాక్సాఫీస్ వద్ద ఈ సినిమా సందడి ట్రేడ్‌ పండితులను కూడా ఆశ్చర్యపర్చింది.

సినిమాలోని ప్రతి పాట కూడా విజువల్ వండర్‌ అన్నట్లుగా సాగాయి అంటూ కామెంట్స్ వచ్చాయి.

తాజాగా ఈ సినిమా లోని ఓ సీతా హే రామా పాట యొక్క వీడియో ను విడుదల చేశారు. ఆ వీడియో సాంగ్ ప్రస్తుతం యూట్యూబ్‌ లో సందడి చేస్తోంది. విడుదల అయిన కొన్ని గంటల్లోనే లక్షల్లో వ్యూస్ ను దక్కించుకోవడంతో పాటు భారీగా లైక్స్ ను పొందింది.

విశాల్ చంద్రశేఖర్‌ సంగీత సారధ్యం లో రూపొందిన ఈ పాటకు అనంత శ్రీరామ్‌ సాహిత్యం అందించాడు.

ఈ పాటను ఎస్‌ పి బి చరణ్ మరియు రమ్య బెహర లు పాడారు. పాటకు ప్రాణం పోసినట్లుగా విజువల్స్ ఉండటంతో వీడియో సాంగ్ కు పాజిటివ్‌ రెస్పాన్స్ వచ్చింది. పాట విన సొంపుగా ఉండటంతో పాటు కన్నులకు ఇంపుగా బ్యూటీఫుల్‌ గా ఉందంటూ కామెంట్స్ వస్తున్నాయి.