బంగారం.. జానూలా మారిపోయిందిగా

ఇష్టమైన వ్యక్తిని ముద్దుగా పిలుచుకోవాలంటే.. బోలెడన్ని నిక్ నేమ్స్ ఉంటాయి. మన తెలుగులో అయితే.. బంగారం అని ముద్దుగా పిలుచుకుంటాం. అందుకే.. ఇక్కడ 'ఓకే బంగారం' అనే టైటిల్ ని సెట్ చేశాడు దర్శకుడు మణిరత్నం. మరి ఇదే మూవీ హిందీలో తెరకెక్కుతోంది. అక్కడి లాంగ్వేజ్ ప్రకారం.. ఈ రీమేక్ కి 'ఓకే జానూ' అనే టైటిల్ ని ఫిక్స్ చేశారు.

తమిళ్ లో 'ఓకే కణ్మణి', తెలుగులో 'ఓకే బంగారం' సూపర్ హిట్స్ సాధించాయి. దుల్కర్ సల్మాన్, నిత్యామీనన్ లు జంటగా నటించిన ఈ మూవీని దిగ్గజ దర్శకుడు మణిరత్నంకు కంబ్యాక్ మూవీ అని చెప్పచ్చు. ఈ సినిమాను హిందీ రీమేక్ వెర్షన్ కు మణిరత్నం శిష్యుడు షాద్ ఆలీ దర్శకత్వం వహిస్తున్నాడు. గతంలో ఆషికి2 తో సూపర్ హిట్ పెయిర్ అనిపించుకున్న ఆదిత్య రాయ్ కపూర్ - శ్రద్ధా కపూర్ లు 'ఓకే జాను' కోసం మరోసారి జత కట్టారు. ఇప్పుడీ సినిమా ఫస్ట్ లుక్ రిలీజ్ చేశాడు నిర్మాత కరణ్ జోహార్.

ఆదిత్య, శ్రద్ధల ఆన్ స్క్రీన్ కెమిస్ట్రీకి ఇప్పటికే బోలెడంత ఫాలోయింగ్ ఉంది. మరోవైపు మణిరత్నం సినిమాలంటే ఎనలేని క్రేజ్ బాలీవుడ్ లో ఉంది. కరణ్ జోహార్ బ్యానర్ కు వాల్యూ ఉంది. ఇంతటి కాంబినేషన్ లో వస్తున్న 'ఓకే జాను' ఫస్ట్ లుక్ తో విపరీతంగా ఆకట్టుకుంది. ఈ మూవీని హిట్టు పట్టాలెక్కించడానికి.. ఇంతకంటే ఇంకేం కావాలి.