ఒక్కడు రీ రిలీజ్ కలెక్షన్స్.. నిర్మాత కామెంట్!

ఈ మధ్య సూపర్ హిట్ సినిమాలను రీ రిలీజ్ చేస్తున్న ట్రెండ్ బాగా పెరిగింది. హీరోల పుట్టినరోజు అని సినిమాలు విడుదలై 20 ఏళ్లు, పాతికేళ్లు పూర్తయిన సందర్భాలు అని ఇలా వివిధ సందర్భాలలో వివిధ సినిమాలు రీ రిలీజ్ చేస్తూ వస్తున్నారు. ఎక్కువగా మహేష్ బాబు, పవన్ కళ్యాణ్ సినిమాలనే నిర్మాతలు మళ్లీ రీ రిలీజ్ చేయడానికి ఆసక్తి చూపిస్తున్నారు. ఎందుకంటే వారి సినిమాలను మాత్రమే రీ రిలీజ్ చేస్తే ఖర్చులైనా మిగులుతున్నాయి. తాజాగా మహేష్ బాబు ఒక్కడు సినిమాని నిర్మాత ఎమ్మెస్ రాజు రీ రిలీజ్ చేశారు.

ఈ నేపథ్యంలో ఈ సినిమా మంచి కలెక్షన్లు రాబట్టినట్లుగా తెలుస్తోంది. మహేష్ బాబు భూమిక హీరో హీరోయిన్లుగా గుణశేఖర్ దర్శకత్వంలో తెరకెక్కిన ఒక్కడు సినిమా 2003లో ప్రేక్షకుల ముందుకు వచ్చి మంచి హిట్ అయింది. ప్రకాష్ రాజు విలన్ గా నటించిన ఈ సినిమాని ఇప్పుడు మళ్లీ రీ రిలీజ్ చేయగా ఆ రీ రిలీజ్ లో కూడా ఈ సినిమా మంచి కలెక్షన్స్ రాబడుతున్నట్లుగా ట్రేడ్ వర్గాల వారు అంచనా వేశారు.

అయితే ఈ కలెక్షన్స్ విషయంలో మాత్రం మహేష్ బాబు అభిమానులు ఒక ఫిగర్ చెబుతుంటే ట్రేడ్ వర్గాల వారు మాత్రం ఒక ఫిగర్ చెబుతూ వస్తున్నారు. అందుకే ఎప్పటికప్పుడు ఈ విషయం మీద సందిగ్ధత కొనసాగుతూనే ఉంటుంది. మొదటి రెండు రోజులు ప్రపంచవ్యాప్తంగా 2.39 కోట్ల షేర్ వసూలు చేసిన ఒక్కడు సినిమా 3.71 కోట్ల గ్రాస్ వసూలు చేసింది. అయితే బుకింగ్స్ బాగానే ఉన్నా సినిమా రికార్డులు మాత్రం బద్దలు కొట్ట లేకపోయింది. ఖుషీ పేరుతోనే హయ్యెస్ట్ రీ రిలీజ్ రికార్డులు ఉన్నాయి.

ఒక్కడు సినిమా రీ రిలీజ్ నాలుగు రోజుల తరువాత నుంచే సంక్రాంతి సినిమాలు ఉండటం వల్ల 'ఒక్కడు' రీ రిలీజ్ లో రికార్డులు కొట్టలేకపోయిందని అంటున్నారు. అయితే ఏదేమైనా ఈ రీ రిలీజ్ సినిమాల విషయంలో కూడా నిర్మాతలు అఫీషియల్ ఫిగర్స్ ప్రకటించక పోతే ఎన్నో అనుమానాలు పుట్టుకురావడం ఖాయం.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.