శక్తిమాన్ ని డైరెక్ట్ చేయనున్న ఓం రౌత్..!

బాలీవుడ్ లో ముందు ప్రొడ్యూసర్ గా ఎంట్రీ ఇచ్చి ఆ తర్వాత సక్సెస్ ఫుల్ డైరక్టర్ గా మారారు ఓం రౌత్. సిటీ ఆఫ్ గోల్డ్, హాంటెడ్ 3డి సినిమాలు నిర్మించిన ఓం రౌత్ లోక్ మాన్య ఏక్ యుగ్ పురుష్ సినిమాతో మెగా ఫోన్ పట్టుకున్నాడు. ఆ సినిమా ఆశించిన స్థాయిలో ఫలితాన్ని అందుకోలేదు ఆ తర్వాత వచ్చిన తానాజీ సినిమా మాత్రం డైరక్టర్ గా ఓం రౌత్ కి ఒక బ్రాండ్ క్రియేట్ చేసింది. తానాజీ వల్లే ప్రభాస్ ఆదిపురుష్ సినిమా చేసే అవకాశం కూడా వచ్చింది.

ప్రభాస్ తో ఓం రౌత్ చేస్తున్న ఆదిపురుష్ సినిమా పోస్ట్ ప్రొడక్షన్ జరుపుకుంటుంది. 2023 సంక్రాంతి బరిలో ఈ సినిమాని రిలీజ్ చేస్తున్నారు. ఆదిపురుష్ తర్వాత ఓం రౌత్ మరో శక్తిమాన్ సినిమాని డైరెక్ట్ చేస్తారని తెలుస్తుంది. నైంటీస్ లో శక్తిమాన్ సీరియల్ ఓ ట్రెండ్ సెట్టర్. పిల్లలు పెద్దలు అనే తేడా లేకుండా శక్తిమాన్ ని ఇష్టపడ్డారు. ఆ సీరియల్ ని సిల్వర్ స్క్రీన్ పై తీసుకురావాలని ప్రయత్నాలు చేస్తున్నారు సోనీ పిక్చర్స్. భారీ బడ్జెట్ తో ఈ మూవీ తెరకెక్కనుందని తెలుస్తుంది.

ఆదిపురుష్ తర్వాత ఓం రౌత్ శక్తిమాన్ చిత్రాన్ని డైరెక్ట్ చేయనున్నారు. ఇప్పటికే సోనీ పిక్చర్స్ తో ఓం రౌత్ చర్చలు జరిగాయట. త్వరలోనే ఈ మూవీ ఎనౌన్స్ మెంట్ వస్తుందని ముంబై మీడియా టక్. అయితే శక్తిమాన్ చిత్రంలో హీరోగా ఎవరు చేస్తారు అన్నది ప్రస్తుతానికి సస్పెన్సే. పాన్ ఇండియా స్టార్ ఇమేజ్ ఉన్న హీరోనే ఆ పాత్రకి హీరోగా సెలెక్ట్ చేస్తారని చెప్పుకుంటున్నారు. శక్తిమాన్ లో హీరోగా సౌత్ హీరోకి ఛాన్స్ వస్తుందా..? లేదా బాలీవుడ్ హీరోతోనే ఆ సూపర్ హీరో సినిమా చేస్తారా అన్నది చూడాలి.