విక్కీ-క్యాట్ పెళ్లిలో ఒమిక్రాన్ టెన్ష‌న్స్!

విక్కీ కౌశ‌ల్-క‌త్రినాకైఫ్ పెళ్లి సంద‌డి మొద‌లైపోయింది. డిసెంబ‌ర్ 9న పెళ్లి నేప‌థ్యంలో 6వ తేదీ నుంచి పెళ్లి బృంద‌మంతా వేదిక వ‌ద్ద‌కు ఒక్కొక్క‌రుగా చేరుకోవ‌డం మొద‌లుపెట్టారు. ఆహ్వానితులు కూడా త‌క్కువ మందే కాబ‌ట్టి పెళ్లికి ఒక రోజు ముందుగానే అంతా సిక్స్ సెన్సెస్ హోట‌ల్ కి చేరుకుంటున్నారు. కోవిడ్ ప్రోటోకాల్స్ త‌ప్ప‌నిసరి కాబ‌ట్టి వాటిని మాత్రం తూచ త‌ప్ప‌కుండా నియ‌మ నిబంధ‌న‌లు పాటిస్తూ హాజ‌ర‌వుతున్నారు. ఆ ఏర్పాట్లు అన్నింటిని జిల్లా క‌లెక్ట‌ర్ ద‌గ్గ‌ర ఉండి చూసుకుంటున్నారు. దేశంలోకి కొత్త వేరియంగ్ ఓమిక్రాన్ రంగ‌ప్ర‌వేశం నేప‌థ్యంలో మ‌రింత క‌ఠినంగా స్క్రీనింగ్ చేసి లోప‌లికి పంపిస్తున్నారు. ఒక ర‌కంగా పెళ్లిలోనూ ఒమిక్రాన్ టెన్ష‌న్ క‌నిపిస్తోంది.

నేటి నుంచి ప్రీ వెడ్డింగ్ వేడుక‌లు ఘ‌నంగా మొద‌లయ్యాయి. ఈ నేప‌థ్యంలో గెస్ట్ లు అంతా దాదాపు ఈరోజే హాజ‌ర‌య్యే అవ‌కాశం ఉంది. విక్కీ కౌశల్ సోద‌రుడు స‌న్నీ కౌశ‌ల్..స్నేహితురాలు శ‌ర్వారీ వాఘ్.. క‌బీర్ ఖాన్..అత‌ని భార్య మినీ మాథూర్.. న‌హా ధూపియా..అంగ‌ద్ బేడీ ఉద‌య‌మే జై పూర్ ఎయిర్ పోర్ట్ లో ల్యాండ్ అయ్యారు. ఇక డిసెంబ‌ర్ 6 న క‌త్రినా వేదిక వ‌ద్ద‌కు చేరుకుంది. అంత‌కు ముందు ఎయిర్ పోర్ట్ లో ఫోటో గ్రాఫ‌ర్ల‌కు చిక్కింది. ఆమె ఎంబ్రాయిడ‌రీ వ‌స్ర్తాల్లో త‌ళుక్కున మెరిసారు. ఎంబ్రాయిడ‌రీపై బంగారు ఘ‌మ‌కాండ‌ల‌తో డిజైన్ చేసి ఉంది. పెదాల‌కు నిగ‌నిగ‌లాడే లిప్ స్టిక్...చిక్స్ తో ఆక‌ర్ష‌ణీయంగా ముస్తాబైంది. అనితాష్రాప్ అదాజానియా క్యాట్ ని ఇంత అందంగా స్టైల్ చేసారు.

ఇంకా ఈ పెళ్లికి క‌ర‌ణ్ జోహార్..ఫరాఖాన్..క‌త్రినా వైద్యురాలు జ్యువెల్ గ‌మాడియా..ట్రైన‌ర్ యాస్మిన్ క‌రాచీవాలా..మెయిర్ స్టైలిస్ట్ అమిత్ ఠాకూర్.. మేక‌ప్ ఆర్టిస్ట్ డేనియల్ బాయ‌ర్..అంగీరా ధ‌ర్ వివాహ‌నికి హాజ‌ర‌య్యారు. అక్ష‌య్ కుమార్..షారుక్ ఖాన్.. అనుష్క శ‌ర్మ‌.. విరాట్ కోహ్లీ.. రోహిత్ శెట్టి... హృతిక్ రోష‌న్.. అలీ అబ్బాస్ జాఫ‌ర్ త‌దిత‌రులు కూడా హాజ‌ర‌య్యే అవ‌కాశం ఉంద‌ద‌ని స‌మాచారం. ఇక వేదిక ప్రాంగ‌ణ వ‌ద్ద శాంతి భ‌ద్ర‌త‌ల‌కు ఎలాంటి విఘాతం క‌ల‌గ‌కుండా గ‌ట్టి బందోబ‌స్తు ఏర్పాటు చేసారు. క్రౌడ్ కంట్రోలింగ్..ట్రాఫిక్ కి ఇబ్బంది లేకుండా అన్ని ర‌కాల ఏర్పాట్లు చేసారు. పోలీసులు..అట‌వీ అధికారులు బందోబ‌స్త్ క‌ల్పిస్తున్నారు. ఇక ఈ పెళ్లిలో న‌వ‌వ‌ధువు గోల్డెన్ ఎంబ్రాయిడ‌రీ జుట్టీస్ ని ధ‌రించ‌నుంది. 120 మంది సినీప్ర‌ముఖులు టాప్ గెస్ట్స్ ఈ వేడుకలో సంద‌డి చేస్తున్న సంగ‌తి తెలిసిందే. అతిథుల సెల్ ఫోన్ల‌ను లోనికి ఎలో చేయ‌రు. ఈవెంట్ ని ప్ర‌యివేట్ గా కానిచ్చేయ‌డం వెన‌క 100కోట్ల ఓటీటీ డీల్ మ‌త‌లబు ఉంద్న‌ సంగ‌తి తెలిసిందే. ప్ర‌ముఖ ఓటీటీలో ఈ పెళ్లి వేడుక టెలీకాస్ట్ కానుందిట‌.