ఏంటి రాజుగారికి కూడా సీక్వెలా?

కేవలం పేరులో 'హెచ్' అక్షరాన్ని తగిలించుకుంటూ తన కొత్త సినిమాకి ఎటువంటి హెచ్చులకు పోకుండా తెరకెక్కించి విజయం సాధించిన ఓంకార్ పైన ఇప్పుడు ఇండస్ట్రీ వారి చూపులు. ఏదో ఒక సినిమా తీసేశాం విజయం సాధించేసాం అన్న కాన్సెప్ట్ తో కాకుండా ఇండస్ట్రీలో నిలదొక్కుకోవాలని తపిస్తున్న ఓంకార్ తదుపరి ఎలాంటి సబ్జెక్ట్ ని ఎంచుకుంటాడా అన్న ఆసక్తి మొదలైంది.

అయితే ఈ ప్రశ్నకు ఇండస్ట్రీనుండి వస్తున్న సమాధానాలు కాస్త ఆశ్చర్యాన్ని ఆపై నిరాశని కలిగిస్తున్నాయి. ఎందుకంటే ఓంకార్ అన్నయ్య మరోసారి హర్రర్ కామెడినే నమ్ముకోనున్నట్లు తెలుస్తుంది.అదికూడా రాజుగారి గది సినిమాకు సీక్వెల్ ప్లాన్ చేస్తున్నట్టు సమాచారం.

మొదటి సినిమాలో టైటిల్ కి కరెక్ట్ గా జస్టిఫికేషన్ ఇవ్వలేకపోయిన ఓంకార్ మరి ఈ సీక్వెల్ లోనైనా సరైన స్టోరీ రాసుకున్నాడో లేదో చూడాలి. అయితే మొదరి సినిమా హిట్ అయ్యాక ప్రకటించిన సీక్వెల్స్ లో నాగవల్లి - అవును 2 ఘోర పరాజయాన్ని పొందాయి. వీటి రికార్డుని ఈ సీక్వెల్ బ్రేక్ చేస్తుందో లేదో చూడాలి.