అప్పట్లో ఒకడికి భలే ఛాన్సులే

‘అప్పట్లో ఒకడుండేవాడు’ ఫస్ట్ లుక్ పోస్టర్ రిలీజైనప్పటి నుంచి ఈ సినిమాలో ఏదో ప్రత్యేకత ఉన్నట్లే కనిపించింది. ఓ వర్గం ప్రేక్షకులు ఈ సినిమాపై బాగా ఆసక్తి చూపించారు. ఐతే ఈ తరహా ప్రయోగాత్మక చిత్రాలకు జనాలు ఎగబడిపోవడం జరగదు. అందుకే తొలి రోజు మార్నింగ్ షోకు రెస్పాన్స్ అంతంతమాత్రంగానే కనిపించింది. కానీ షో అయినప్పటి నుంచి ఈ సినిమాకు ఫుల్ పాజిటివ్ టాక్ వచ్చింది. సోషల్ మీడియాలో ఈ సినిమా గురించి పెద్ద చర్చ జరగడం.. మౌత్ పబ్లిసిటీ కూడా బాగుండటంతో కలెక్షన్లు పుంజుకున్నాయి. శని ఆదివారాల్లో సినిమాకు హౌస్ ఫుల్స్ పడ్డాయి. వీకెండ్ అయ్యాక కలెక్షన్లలో మేజర్ డ్రాప్ ఏమీ లేదు.

ఫస్ట్ వీకెండ్ తో పోలిస్తే ఈ సినిమాకు రెండో వీకెండ్లో కలెక్షన్లు ఇంకా మెరుగ్గా ఉంటాయని భావిస్తున్నారు. గత మూణ్నాలుగు రోజుల్లో ఈ సినిమా గురించి చాలామంది సెలబ్రెటీలు పాజిటివ్ గా మాట్లాడారు. పబ్లిసిటీ కూడా కొంచెం గట్టిగానే చేయడం కలిసొచ్చింది. ఈ నేపథ్యంలో సెకండ్ వీకెండ్లో ఈ సినిమాకు కలెక్షన్లు చాలా బాగుంటాయని అంచనా వేస్తున్నారు. ఈ వారాంతంలో సినిమాలేవీ లేకపోవడం కూడా ‘అప్పట్లో ఒకడుండేవాడు’కు కలిసొచ్చే అంశం. ఒక వీకెండ్లో ఎంత భారీ సినిమాలున్నా సరే.. ముందు వారం చెప్పుకోదగ్గ రిలీజ్ ఒక్కటైనా ఉంటుంది. కానీ ఈ వారాంతంలో మాత్రం అలాంటి సినిమాలేవీ రావట్లేదు. దీంతో సెకండ్ వీకెండ్లో ‘అప్పట్లో ఒకడుండేవాడు’ దంచుకునే అవకాశాలు కనిపిస్తున్నాయి.

Like Us on Facebook : https://www.facebook.com/Tupakidotcom/