'అఘోర'గా బాలయ్య.. ట్రీట్ ఇవ్వనున్నాడా??

టాలీవుడ్ స్టార్ కాంబినేషన్ ఒకటి నందమూరి బాలకృష్ణ - బోయపాటి శీనుల పెయిర్. దాదాపు ఆరెళ్ల తర్వాత ఈ కాంబినేషన్ మళ్లీ తెరమీదకి రావడానికి సిద్ధం అవుతోంది. బాలయ్య పరాజయాలు ఎదుర్కొన్న ప్రతిసారి బోయపాటి హిట్స్ ఇచ్చి ఆదుకున్నాడు. ఈసారి ఈ స్టార్ కాంబినేషన్ మళ్లీ బాక్సాఫీస్ ను షేక్ చేసేందుకు ప్రణాళిక తయారు చేసినట్లే అనిపిస్తుంది. ఎందుకంటే గతేడాది బాలయ్య పుట్టినరోజున విడుదల చేసిన స్పెషల్ ప్రోమో చూస్తే బాలయ్య ఎంత పవర్ ఫుల్ క్యారెక్టర్ లో కనిపించనున్నాడో అర్ధమవుతుంది. ఆ వీడియో ఇప్పటికి ట్రెండింగ్ లోనే ఉంది. అయితే బోయపాటి పై బాలయ్యకు అపారమైన నమ్మకం. అందుకే బోయపాటి కోసం ఎలాంటి రిస్క్ అయినా చేసేస్తాడు బాలయ్య. అయితే బాలయ్య బోయపాటి కాంబినేషన్ అంటేనే హీరో డ్యూయెల్ రోల్ లో కనిపిస్తాడని టాక్ ఉంది. ఆ టాక్ మళ్లీ నిజం చేస్తున్నారు ఈ స్టార్ కాంబో. గతంలో వీరి కాంబినేషన్‌లో వచ్చిన సింహా, లెజెండ్‌ సినిమాలు మంచి విజయం సాధించటంతో ఈ బిబి3 సినిమాపైన భారీ అంచనాలు నెలకొన్నాయి.

ఈ సినిమాను మిర్యాల రవీందర్ రెడ్డి నిర్మిస్తున్నాడు. అయితే తాజా సమాచారం ప్రకారం.. ఈ సినిమాలో బాలయ్య రెండు విభిన్నమైన పాత్రలలో కనిపించనున్నట్టు తెలుస్తోంది. ఆల్రెడీ బాలయ్య టీజర్ చూసిన ప్రతీ ఒక్కరు బాలయ్య ఈసారి రికార్డు బద్దలు కొడతాడని ఫ్యాన్స్ అనుకుంటున్నారు. బాలయ్య చేస్తున్న రెండు పాత్రలలో ఒకటి అఘోర పాత్ర. అఘోర పాత్ర ఈ సినిమాలో కొంత నిడివి ఉంటుందని గతంలోనే బోయపాటి చెప్పాడు. అసలు బాలయ్యను ఎవరు ఊహించని అఘోర పాత్రలో చూపిస్తా అన్నాడు బోయపాటి. అయితే ప్రస్తుతం రామోజీ ఫిల్మ్ సిటీలో శరవేగంగా షూటింగ్ జరుపుకుంటున్న ఈ సినిమాలో బాలయ్య డిఫరెంట్ గా కనిపిస్తాడని తెలుస్తుంది. అఘోరగా బాలయ్య షూట్ స్టార్ట్ చేయనున్నారట. మరి బాలయ్య అఘోరగా మారడానికి గల కారణాలు ఏంటి.. అసలు కథనం ఏంటని ప్రేక్షకులలో ఆసక్తితో పాటు సందేహాలు నెలకొంటున్నాయి. ఈ సినిమాలో ప్రగ్యా జైస్వాల్, పూర్ణలు కథానాయికలు.