#AA20: దేవీ కి మూడు పాటలే!

స్టైలిష్ స్టార్ అల్లు అర్జున్ తన నెక్స్ట్ సినిమా ను సుకుమార్ దర్శకత్వం లో చేయనున్న సంగతి తెలిసిందే. ఇప్పటికే ప్రారంభోత్సవం జరుపుకున్న ఈ చిత్రం త్వరలోనే సెట్స్ మీదకు వెళ్లనుంది. ఈ సినిమా శేషాచలం అడవులలో జరిగే ఎర్రచందనం స్మగ్లింగ్ నేపథ్యంలో తెరకెక్కుతుందని ఇప్పటికే వార్తలు వచ్చాయి. అల్లు అర్జున్ ఈ సినిమాలో ఊరమాస్ లుక్ లో కనిపిస్తాడని.. అల్లు అర్జున్ లుక్ ప్రేక్షకులను సర్ ప్రైజ్ చెయ్యడం ఖాయమని అంటున్నారు.

ఇదిలా ఉంటే ఈ సినిమాలోని పాటల గురించి ఒక ఇంట్రెస్టింగ్ టాక్ వినిపిస్తోంది. ఈ సినిమా లో జస్ట్ 3 పాటలే ఉంటాయని.. అవి కూడా దాదాపుగా కథలో భాగంగా వచ్చేవని సమాచారం. ఎర్రచందనం తరలింపు నేపథ్యం లో బన్నీ ఇంట్రో సాంగ్ ఉంటుందని.. మరొకటి బన్నీ-రష్మికల మధ్య సాగే లవ్ సాంగ్.. లాస్ట్ సాంగ్ మాత్రం ఫోక్ స్టైల్ లో ఉంటుందని అంటున్నారు. ఇది కూడా కథలో భాగంగా వచ్చేదిగా ఉంటుందట. దీన్నిబట్టి ఈ సినిమాలో రెగ్యులర్ అల్లు అర్జున్ సినిమాల్లో ఉండే పాటలు ఉండే అవకాశం లేనట్టే. అయితే ఈ విషయపై క్లారిటీ రావాలంటే కొంతకాలం వేచి చూడాలి.

ఈ సినిమాకు దేవీ శ్రీ ప్రసాద్ సంగీతం అందిస్తున్నాడు. గతంలో సుక్కు-బన్నీ-దేవీ కాంబినేషన్లో తెరకెక్కిన 'ఆర్య'.. 'ఆర్య 2' రెండు సినిమాలు మ్యూజికల్ హిట్స్. మరి ఈ సినిమా డిఫరెంట్ స్టైల్ కాబట్టి దేవీ ఎలాంటి సంగీతం అందిస్తాడో చూడాలి. ఏదేమైనా #AA20 సినిమా షూటింగ్ ప్రారంభానికి ముందే ప్రేక్షకుల్లో ఆసక్తిని రేకెత్తిస్తోంది.