రెండు వేల స్క్రీన్లలో ‘ఊపిరి’

నాగార్జున, కార్తీ, తమన్నా ప్రధాన పాత్రల్లో నటిస్తున్న ఊపిరి సినిమా సెన్సార్ పూర్తయింది. ఈ సినిమాకు సెన్సార్ సభ్యులు క్లీన్ U సర్టిఫికెట్ ఇచ్చారు. పెరల్‌ వి.పొట్లూరి సమర్పణలో పి.వి.పి. సినిమా పతాకంపై వంశీ పైడిపల్లి దర్శకత్వంలో తెలుగు - తమిళ భాషల్లో పరమ్‌ వి.పొట్లూరి, కవిన్‌ అన్నే నిర్మిస్తున్న చిత్రం ఇది. నాగార్జున కెరీర్ లోనే భారీ బడ్జెట్ తో అత్యధిక థియేటర్స్ లొ మార్చి 25న గ్రాండ్ రిలీజ్ చేస్తున్నారు.

ఈ సందర్భంగా నిర్మాత ప్రసాద్ వి.పొట్లూరి మాట్లాడుతూ ‘మనం - సోగ్గాడే చిన్ని నాయనా వంటి సూపర్‌ హిట్‌ చిత్రాల తర్వాత నాగార్జున ఈ చిత్రంలో టోటల్‌ గా డిఫరెంట్‌ గా వుండే క్యారెక్టర్‌ చేస్తున్నారు. అలాగే 'ఆవారా' కార్తీ - తమన్నా జంట ఈ చిత్రంతో మరోసారి ఆడియన్స్‌ ని అలరించబోతున్నారు. సినిమా సెన్సార్ కార్యక్రమాలను పూర్తి చేసుకుని సింగిల్ కట్ కూడా లేకుండా క్లీన్ యు సర్టిఫికేట్ ను పొందింది. సినిమాను చూసిన సెన్సార్ సభ్యులు సినిమా బావుందని ప్రశంసించారు. మార్చి 25న తెలుగు, తమిళ భాషల్లో సినిమాను వరల్డ్ వైడ్ గా ఆంద్రప్రధేశ్ - తెలంగాణ - తమిళనాడు - కర్ణాటక - నార్త్ ఇండియా - యు.ఎస్ - గల్ఫ్ కంట్రీస్ - మలేషియా - శ్రీలంక - సింగపూర్ - యు.కె - ఆప్రికా - ఆస్ట్రేలియా - న్యూజిలాండ్ తదితర ఏరియాల్లో రెండు వేల స్క్రీన్లలో సినిమాను రిలీజ్ చేస్తున్నాం’’ అన్నారు.