బన్నీ అండ్ నాని.. లేదంటే నాగార్జున

తెలుగులో మొట్ట మొదటి రియాలిటీ షో స్టార్ మాలో వచ్చిన బిగ్ బాస్. సౌత్ లో ఈ షో తమిళంతో పోలిస్తే తెలుగు బ్రహ్మాండంగా సక్సెస్ అయింది. దానికి కారణమేమిటంటే మారుమాట లేకుండా వచ్చే సమాధానం యంగ్ టైగర్ ఎన్టీఆర్ అనే. ఈ ప్రోగ్రాం హోస్ట్ గా ఎన్టీఆర్ అదరగొట్టేశాడు. తన చలాకీతనంతో అన్ని వర్గాల ప్రేక్షకులను బ్రహ్మాండంగా ఇంప్రెస్ చేసేశాడు.

ఇప్పుడు స్టార్ మా వాళ్లు బిగ్ బాస్ సీజన్-2 కు సిద్ధమవుతున్నారు. కానీ ఈ సీజన్ కు ఎన్టీఆర్ హోస్ట్ చేసే అవకాశానికి మొదటిలోనే ఇబ్బంది ఎదురైంది. ప్రస్తుతం ఎన్టీఆర్ త్రివిక్రమ్ డైరెక్షన్ లో సినిమా చేస్తున్నాడు. ఇదయిన వెంటనే దర్శక ధీరుడు రాజమౌళి డైరెక్షన్ లో రామ్ చరణ్ తో కలిసి చేసే మల్టీస్టారర్ మూవీకి డేట్లు కేటాయించాలి. ఈ బిజీలో బిగ్ బాస్ కు సమయం కేటాయించడం కుదరదు. దీంతో ఎన్టీఆర్ స్థానంలో ఎవరిని తీసుకోవాలా అనేదానిపై స్టార్ మా గట్టిగానే కుస్తీ పడుతోంది. హోస్ట్ గా మంచి మాటకారితనం.. చలాకీతనం రెండూ నిండుగా ఉండే హీరోలు స్టయిలిష్ స్టార్ అల్లు అర్జున్.. నాచురల్ స్టార్ నాని. వీళ్లిద్దరిలో ఎవరో ఒకరిని హోస్ట్ గా సెలక్ట్ చేయాలన్నది స్టార్ మా ఆలోచన.

బిగ్ బాస్ షోకు బన్నీ... నానిల్లో ఎవరైనా 100 పర్సెంట్ న్యాయం చేయగలరు. కానీ ప్రస్తుతం ఊపిరి సలపని కమిట్ మెంట్స్ తో బిజీగా ఉన్నాడు. అసలు అతడి డైరీలో ఖాళీలే లేవు. కృష్ణార్జున యుద్ధం అయిన వెంటనే నాగార్జునతో మల్టీస్టారర్ లో నటించనున్నారు. మరోవైపు బన్నీ కూడా నాపేరు సూర్య.. నా ఇల్లు ఇండియా సినిమా కంప్లీట్ చెయ్యడంపైనే దృష్టి పెట్టాడు. ‘‘నాని.. బన్నీలిద్దరిని కలిసే ఆలోచనలో ఉన్నాం. వీళ్లిద్దరికీ కుదరని పక్షంలో నాగార్జునను తీసుకునే ఆలోచన కూడా ఉంది. వీళ్లలో ఎవరికి వీలు చిక్కుతుందో చూడాలి’’ బిగ్ బాస్ ప్రొడక్షన్ టీంలో సభ్యుడొకరు తెలిపారు.