టాప్ హీరో ప్రభాస్.. ఆ తర్వాతి స్థానాల్లో ఎవరంటే?

ప్రస్తుతం తెలుగులో టాప్ హీరో ఎవరు ? అంటే టక్కున వీరు అని మాత్రం చెప్పలేం. ఎవరికి ఎక్కువ అంటే మాత్రం మా హీరో అంటే మా హీరోనే గొప్ప అని ఫ్యాన్స్ అనడంలో సందేహం లేదు. నిజానికి నెంబర్ వన్ హీరో ఎవరు? ఈ విషయం మీద ఎప్పటినుంచో చర్చ జరుగుతున్నదే. అయితే దీన్ని కరెక్ట్ గా ఎవరు చెప్పలేరు. ఎందుకంటే ఏ హీరో తక్కువ కాదు. ఎక్కువ కాదు. ఎవరికి తగినట్లుగా వాళ్లకు ఫ్యాన్ ఫాలోయింగ్ పెంచుకుంటూ వెళ్తూనే ఉంటారు.

అయితే ఈ ఇబ్బందులు గమనించిన ఆర్మాక్స్ మీడియా సంస్థ ప్రతినెల, ప్రతి సంవత్సరం టాప్ హీరోలు ఎవరు అనే విషయాన్ని ఒక లిస్టు గా విడుదల చేస్తుంది. సోషల్ మీడియాలో ఎక్కువగా చర్చ జరిగిన హీరోల జాబితాను ఈ ఆర్మాక్స్ మీడియా సంస్థ ప్రచురిస్తూ వస్తుంది.2022 సంవత్సరానికి గాను ఆర్మాక్స్ మీడియా... తెలుగులో మోస్ట్ పాపులర్ మేల్ స్టార్స్ జాబితాకి సంబంధించిన లిస్టును విడుదల చేసింది.

ఈ లిస్టులో ఎప్పటిలాగే ప్రభాస్ మొదటి స్థానాన్ని సంపాదించారు. రెండవ స్థానంలో జూనియర్ ఎన్టీఆర్ నిలవగా... మూడవ స్థానంలో అల్లు అర్జున్ నిలిచాడు.

నాలుగవ స్థానంలో మెగా పవర్ స్టార్ రామ్ చరణ్ ఉండగా... ఐదవ స్థానంలో ప్రిన్స్ మహేష్ బాబు ఉన్నారు. ఆరవ స్థానంలో పవన్ కళ్యాణ్ ఉండగా... ఏడవ స్థానంలో నాచురల్ స్టార్ నాని నిలిచాడు.

గత ఏడాది లైగర్ సినిమాతో ఫ్లాప్ ను మూట కట్టుకున్న విజయ్ దేవరకొండ 8వ స్థానాన్ని కైవసం చేసుకున్నారు. ఇక తొమ్మిదవ స్థానంలో ఇటీవల వాల్తేరు వీరయ్యతో సూపర్ హిట్ అందుకున్న మెగాస్టార్ చిరంజీవి నిలిచారు. ఇక పదవ స్థానంలో అదే సినిమాలో మరో కీలక పాత్రలో నటించిన రవితేజ నిలిచాడు.

ఇక వీరందరూ టాప్ టెన్ హీరోలు కాగా... మిగిలిన టైటు హీరోలు కూడా చాలామంది ఇప్పుడు నేషనల్ వైడ్ గా గుర్తింపు తెచ్చుకునే ప్రయత్నం చేస్తున్నారు. మొత్తం మీద తెలుగులో ప్రభాస్ ఎన్టీఆర్ అల్లు అర్జున్ మహేష్ బాబు రామ్ చరణ్ వంటి వారు టాప్ ఫైవ్ ప్లేస్ లు దక్కించుకోగా మిగిలిన వారు కూడా తమ స్థాయికి తగినట్లుగా మంచి సినిమాలు చేస్తూ ప్రేక్షకులను అలరించే ప్రయత్నం చేస్తున్నారు. అదండి 2022 కు సంబంధించిన మోస్ట్ పాపులర్ మెయిల్ స్టార్ జాబితా.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.