నేడు రిలీజ్ అయిన సినిమాల ఓటీటీ అప్‌డేట్‌ ఇదిగో..!

నేడు ప్రేక్షకుల ముందుకు మూడు సినిమాలు థియేటర్ల ద్వారా వచ్చిన విషయం తెల్సిందే. భారీ అంచనాల నడుమ రూపొందిన గాడ్‌ ఫాదర్‌ సినిమా తో పాటు నాగార్జున హీరోగా నటించిన ది ఘోస్ట్‌ మరియు బెల్లంకొండ బాబు గణేష్ బాబు మొదటి సినిమా స్వాతిముత్యం కూడా నేడు ప్రేక్షకుల ముందుకు వచ్చిన విషయం తెల్సిందే.

ఈ మూడు సినిమాలు కూడా దసరా పండుగ అవ్వడంతో మంచి ఓపెనింగ్స్ ను దక్కించుకున్నాయి. గాడ్ ఫాదర్ సినిమా పట్ల మెగా ఫ్యాన్స్ చాలా సంతృప్తిగా ఉన్నట్లుగా వారి మాటలను బట్టి అర్థం అవుతుంది.

ఇతర రెండు సినిమాలు కూడా పాజిటివ్‌ టాక్‌ తోనే ఓపెన్‌ అయ్యాయి అంటూ బాక్సాఫీస్‌ రిపోర్ట్‌ అందుతోంది. తుది ఫలితం ఎలా ఉంటుంది అనేది మూడు నాలుగు రోజుల తర్వాత వసూళ్లను బట్టి చూడవచ్చు.

ఇక ఈ మూడు సినిమాలు ఓటీటీ ల్లో ఇప్పుడు వెంటనే వచ్చే అవకాశం అస్సలు లేదు. అయినా కూడా చాలా మంది చాలా రకాలుగా ఓటీటీ లో ఎప్పుడెప్పుడు వస్తుందా... ఏ సినిమా ఏ ఓటీటీ లో వస్తుందా అంటూ ఎదురు చూస్తున్నారు. తాజా సినిమాల ఓటీటీ విషయంలో అధికారికంగా క్లారిటీ వచ్చింది.

గాడ్‌ ఫాదర్‌ సినిమా ను నెట్‌ ఫ్లిక్స్ స్ట్రీమింగ్‌ చేయబోతున్నట్లుగా ఆ మధ్య వార్తలు వచ్చాయి. ఆ వార్తలు నిజమే అన్నట్లుగా రిలీజ్ డే సందర్భంగా టైటిల్ కార్డ్స్ తో క్లారిటీ ఇవ్వడం జరిగింది.

అంతే కాకుండా ఆహా ఓటీటీ వారు స్వాతిముత్యం సినిమాను దక్కించుకున్నారట. ఈ రెండు సినిమాల విషయమై దాదాపుగా క్లారిటీ ఉంది.. ది ఘోస్ట్‌ సినిమా విషయంలో ఊగిసలాట కనిపిస్తుంది.

ప్రముఖ ఓటీటీ వారు ది ఘోస్ట్‌ సినిమాకు మంచి ఆఫర్ ఇచ్చారనే వార్తలు వస్తున్నాయి. అయితే ఇంకా ఆ డీల్‌ క్లోజ్ అవ్వలేదు అనేది టాక్. అతి త్వరలోనే ది ఘోస్ట్‌ స్ట్రీమింగ్‌ అప్డేట్‌ కూడా వచ్చే అవకాశాలు ఉన్నాయి.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.