ఓటిటి అప్డేట్స్: స్ట్రీమింగ్ మొదలైన 'ప్లేబ్యాక్ - 99సాంగ్స్' మూవీస్

ప్రస్తుతం కరోనా పరిస్థితిలో థియేట్రికల్ రిలీజ్ అనేది మాటే కరువైంది. ఎందుకంటే ఇదివరకు వారానికి రెండు మూడు కొత్త సినిమాలు థియేట్రికల్ రిలీజ్ అయ్యేవి. కానీ ఇప్పుడు లాక్డౌన్ కారణంగా ఓటిటిలే థియేటర్స్ అయిపోయాయి. అందుకే న్యూ మూవీస్ అన్నికూడా డిజిటల్ రిలీజ్ అవుతున్నాయి. డిజిటల్ రిలీజ్ కూడా వారానికి రెండు మూడు సినిమాలు ప్రేక్షకుల ముందుకు రావడం విశేషం. అయితే తాజాగా రెండు సినిమాలు ఓటిటి రిలీజ్ అయ్యాయి. అందులో ఒకటి 99సాంగ్స్. ఆస్కార్ అవార్డు గ్రహీత ఏఆర్ రెహమాన్.. నిర్మాతగా నిర్మాతగా మారి రూపొందించిన సినిమా '99 సాంగ్స్'. ఈ సినిమా ఏప్రిల్ 16న ప్రేక్షకుల ముందుకు వచ్చింది. కానీ కరోనా సమయం కాబట్టి సినిమాను ప్రేక్షకులు పెద్దగా పట్టించుకోలేదు.

అందుకే ఇప్పుడు ఇంటిపట్టునే ఉంటూ సినిమాలు చూస్తున్నారు కాబట్టి మేకర్స్ ఈరోజు నెట్ ఫ్లిక్స్ - జియో సినిమా ఓటిటిలలో స్ట్రీమింగ్ ప్రారంభం అయింది. ఇంతకాలం గ్రేట్ మ్యూజిక్ డైరెక్టర్ గా మాత్రమే ప్రపంచానికి తెలిసిన ఏఆర్ రెహమాన్.. '99 సాంగ్స్' సినిమాను నిర్మించడమే కాకుండా కథ -స్క్రీన్ ప్లే కూడా ఆయనే అందించడం విశేషం. అయితే ఈ సినిమా ఓ మ్యూజికల్ జర్నీ అని టాక్. ఈ సినిమాలో జయ్ అనే పాత్రలో హీరో ఇహన్ భట్, సోఫియా పాత్రలో ఎడిల్సి వర్గాస్ కనిపించనున్నారు. అయితే జయ్ అనే క్యారెక్టర్ ఈ సినిమాలో మ్యూజిక్ డైరెక్టర్ కావాలని డ్రీమ్ తో ఉంటాడు. కానీ ఎలా అయ్యాడు..? ఎలా ఈ ప్రపంచానికి తన సాంగ్స్ వినిపించాడు? అనే అంశాల చుట్టూ కథ తిరుగుతుంది. సంగీతంతో పాటు ప్రేమ విషయంలో తంటాలు పడుతుంటాడు హీరో. మరి ఎలా తన డ్రీమ్ అండ్ ప్రేమను గెలిచాడు అనే నేపథ్యంలో సినిమా తెరకెక్కించారు.

ఈ సినిమా ఏఆర్ రెహమాన్ రాసిన మ్యూజికల్ స్క్రిప్ట్ అని చెప్పవచ్చు. 2015 నుండి ఈ సినిమా గురించి వర్క్ చేస్తున్నాడు రెహమాన్. చివరిగా 2021లో సినిమా విడుదలకు సిద్ధమైంది. ఈ సినిమాకు విశ్వేష్ కృష్ణమూర్తి దర్శకత్వం వహించాడు. అయితే ఈ సినిమాతో ఈరోజు టాలీవుడ్ ఓటిటి ఆహాలో ప్లేబ్యాక్ అనే సినిమా స్ట్రీమింగ్ అవుతోంది. హరిప్రసాద్ జక్కా దర్శకత్వంలో తెరకెక్కిన ఈ సినిమా.. 'క్రాస్ టైం కనెక్షన్' ప్రెసెంట్ - ఫస్ట్ అనే అంశాల చుట్టూ సినిమా 1990 దశకంలో అమ్మాయి ప్రెసెంట్ జనరేషన్ అబ్బాయిని ఓ ఫోన్ కాల్ ఎలా కలిపింది అనే ఇంటరెస్టింగ్ కథాంశంతో తెరకెక్కింది. మరి చూడాలి ఎలాంటి రెస్పాన్స్ వస్తుందో అని మేకర్స్ వెయిట్ చేస్తున్నారు. ఈ సినిమాలో దినేష్ - అనన్య నాగల్ల ప్రధానపాత్రల్లో నటించారు. చూడాలి మరి ఎలా ఆకట్టుకుంటుందో..!