రష్యాలో మన స్టైలిష్ ఐకానిక్ స్టార్ అలా..!

అల్లు అర్జున్‌ ప్రస్తుతం రష్యాలో పుష్ప సినిమా ప్రమోషన్ కోసం పర్యటిస్తున్న విషయం తెల్సిందే. కేవలం అల్లు అర్జున్ మాత్రమే కాకుండా పుష్ప చిత్ర దర్శకుడు సుకుమార్‌ మరియు హీరోయిన్ రష్మిక మందన్నా నిర్మాతలు కూడా ఉన్నారు. అక్కడ పుష్ప యూనిట్‌ సభ్యుల యొక్క మీడియా సమావేశాలు మరియు ఇతర కార్యక్రమాలు సోషల్‌ మీడియా ద్వారా వైరల్‌ అవుతున్నాయి.

తాజాగా అల్లు అర్జున్‌ యొక్క ఈ ఫొటో వైరల్‌ అవుతోంది. అల్లు అర్జున్ ను స్టైలిష్ స్టార్‌.. ఐకానిక్ స్టార్‌ అంటూ అభిమానులు పిలుచుకుంటూ ఉంటారు. ఆ పేర్లకు ఏమాత్రం తక్కువ కాకుండా ఈ ఫొటోలో బన్నీ ఉన్నాడు అంటూ మీడియా వర్గాల వారు మాట్లాడుకుంటున్నారు.

రష్యాలో ఈ రేంజ్ స్టైల్‌ మరియు బాడీ లాంగ్వేజ్ తో అక్కడి వారిని కూడా ఆశ్చర్య పర్చుతున్నాడు అంటూ అభిమానులు కామెంట్స్ చేస్తున్నారు. పుష్ప సినిమా అక్కడ సక్సెస్ అయితే అల్లు అర్జున్ కు మరియు ఆయన స్టైల్‌ కు ఎంతో మంది అభిమానులు అవ్వడం ఖాయం అంటూ ఇండస్ట్రీ వర్గాల వారు మాట్లాడుకుంటున్నారు.

పుష్ప సినిమా యొక్క పదుల కొద్ది ప్రీమియర్ షోలకు మరియు ప్రమోషనల్‌ మీడియా సమావేశాలకు అల్లు అర్జున్ తో పాటు ఇతర చిత్ర యూనిట్‌ సభ్యులు హాజరు అవ్వబోతున్నారు. పుష్ప సినిమా అక్కడ విడుదల అయితే పుష్ప 2 ను కూడా అక్కడ విడుదల చేస్తారట.

పుష్ప 2 సినిమా విషయానికి వస్తే ఆ మధ్య కొన్ని రోజుల పాటు మారేడుమిల్లి ప్రాంతం లో చిత్రీకరణ జరిపారు. మొదటి షెడ్యూల్‌ పూర్తి అయిన వెంటనే చిత్ర యూనిట్‌ సభ్యులు అంతా కూడా రష్యాకు వెళ్లారు. అక్కడి నుంచి వారం రోజుల తర్వాత వచ్చే అవకాశం ఉంది. ఆ వెంటనే పుష్ప 2 షూటింగ్ పునః ప్రారంభం కాబోతుంది.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.