భామ‌లంతా మ‌రీ ఔట్ డేటెడ్ ఏంటి బంగార్రాజు?

కింగ్ నాగార్జున స‌ర‌స‌న క‌థానాయిక‌లు అన‌గానే ఎప్ప‌టిక‌ప్పుడు ట్రెండీ బ్యూటీస్ ని బ‌రిలో దించేవారు. కానీ ఇప్పుడు అలా లేదు. ఆయ‌న న‌టిస్తున్న క్రేజీ సినిమా `బంగార్రాజు` కోసం ముగ్గురు ఔట్ డేటెడ్ బ్యూటీస్ ని బ‌రిలో దించేయ‌డం అభిమానుల్లో హాట్ టాపిక్ అయ్యింది.

సోగ్గాడే చిన్ని నాయ‌నా లో న‌టించిన ర‌మ్య‌కృష్ణ‌ ఇందులో భార్య పాత్రలో క‌నిపిస్తారు. నాగ చైతన్య సరసన కృతి శెట్టి నాయిక‌. కానీ ర‌సికుడు అయిన బంగార్రాజుతో రొమాన్స్ చేసేందుకు చాలా మంది భామ‌లు అవ‌స‌రం. దానికోసం వెత‌గ్గా.. ముగ్గురు సీనియ‌ర్ బ్యూటీల‌ను ఓకే చేశార‌ని తెలిసింది. ఆ ముగ్గురు ఎవ‌రు? అంటే.. రంభ- ఊర్వసి - మేనక అని పిలుచుకునే ఈ మూడు పాత్రల కోసం హీరోయిన్ వేదిక.. దూకుడు ఫేమ్ ఐటమ్ గర్ల్ మీనాక్షి దీక్షిత్ .. బెంగాలీ బ్యూటీ దర్శన బానిక్ లను ఎంచుకున్నార‌ట‌. చిన్న పాత్రలే అయినా ఈ ముగ్గురు నటించిన రెండు పాటలు హైలైట్ కానున్నాయ‌ని తెలిసింది.

అయితే వేదిక ఇప్ప‌టికే తెలుగులో ఫేడ‌వుట్ బ్యూటీ.. మీనాక్షి అప్ప‌ట్లో ఒక‌టీ అరా సినిమాల్లో మాత్ర‌మే క‌నిపించి మాయ‌మైంది. బానిక్ పెద్ద‌గా తెలియ‌నే తెలీదు. అయితే ఈ భామ‌లకు న‌ట‌న డ్యాన్సుల ప‌రంగా మాంచి గ్రిప్ ఉంది. బ‌హుశా అందుకే స్పెష‌ల్ పాత్ర‌ల కోసం బ‌రిలో దించార‌ని ఒక సెక్ష‌న్ ఫ్యాన్స్ భావిస్తున్నారు. అయినా కింగ్ అంటే దూకుడైన లేటెస్ట్ భామ‌ల‌ను బ‌రిలో దించాలి కానీ.. అంటూ కొంద‌రు ఫ్యాన్స్ నిరాశ‌ను వ్య‌క్తం చేస్తున్నారు. కళ్యాణ్ కృష్ణ కురసాల ఆద్యంతం ర‌క్తి క‌ట్టించే రొమాంటిక్ మాస్ ఎంట‌ర్ టైన‌ర్ ని తెర‌కెక్కించ‌నున్నారు. ఇందులో ప్ర‌తి ఫ్రేమ్ లోనూ క‌ల‌ర్ ఫుల్ స‌న్నివేశాలు ర‌క్తి క‌ట్టిస్తాయి.