వావ్ నిక్కీ... వాటే లక్కీ

నిక్కీ గల్రానీ.. రీసెంట్ గా సునీల్ సరసన కృష్ణాష్టమి చిత్రంలో హీరోయిన్ గా టాలీవుడ్ పరిచయం అయింది. బుజ్జిగాడు ఫేం సంజన చెల్లెలే ఈ నిక్కీ. కృష్ణాష్టమి హిట్ కాకపోయినా.. అదే రోజున విడుదల తమిళ్ డబ్బింగ్ థ్రిల్లర్ మూవీ మలుపు బాగానే ఆకట్టుకుంది. ఇప్పుడీ భామ జీవితాంతం గుర్తు పెట్టుకునే సంఘటన ఒకటి ఎదురైందని చెబుతోంది.

యంగ్ బ్యూటీ నిక్కి గల్రానీకి.. గాన కోకిల అయిన పి. సుశీల ఓ బ్రాస్‌ లెట్‌ ని గిఫ్ట్ గా ఇచ్చారట. ఈ విషయాన్ని నిక్కి గల్రాని తన ఫేస్‌ బుక్‌ అకౌంట్ ద్వారా ఫ్యాన్స్ కు చెప్పింది. సుశీలతో దిగిన సెల్ఫీలను కూడా అభిమానులతో పంచుకుంది నిక్కీ. 'వీరితో గడిపిన ఈ రోజు చాలా అద్భుతంగా ఉంది. బ్రాస్‌ లెట్‌ ఇచ్చిన సుశీలమ్మకు ధన్యవాదాలు' అంటూ పోస్ట్ చేసింది నిక్కీ గల్రానీ.

గాన కోకిల సుశీల.. తనకు గిఫ్ట్ ఎందుకు ఇచ్చిందో నిక్కీ చెప్పలేదు కానీ.. ఇదంతో ఓ ఫ్లైట్ లో జరిగిన ఎపిసోడ్ అనే విషయం మాత్రం ఆమె పోస్ట్ చేసిన ఫోటోలు చూస్తే అర్ధమవుతుంది. అలాగే సుశీల అందించిన బ్రాస్ లెట్ ఫోటో కూడా పోస్ట్ చేసి.. తన ఆనందాన్న తెలియచెప్పింది నిక్కీ గల్రానీ.