వీడియో సాంగ్: కాలేజీలు కోవెల‌లోనే కాదు ప‌ల్ల‌కిలో పెళ్లికూతురికే లైనేసే పాగ‌ల్!

పాగ‌ల్ అంటే ఎవ‌రు? పోకిరి వేషాలు వేసేవాడు... అమ్మాయిల‌కు లైనేసేవాడు... చిలిపి వేషాల‌తో ఈవ్ టీజింగ్ ల‌తో అల్ల‌రి ప‌నుల‌తో అట్టుడికించేవాడు! మొత్తానికి దాసు అలియాస్ విశ్వ‌క్ సేన్ ని పాగ‌ల్ ని చేశారు. కాలేజీలు కోవెల‌లోనే కాదు పీట‌ల‌పై పెళ్లికూతురికే పువ్వు ఇచ్చే పాగ‌ల్ వేషాల‌తో విశ్వ‌క్ ఓ రేంజులోనే అల‌రిస్తున్నాడు.

తాజాగా పాగ‌ల్ మూవీ నుంచి టైటిల్ సాంగ్ రిలీజైంది. ఇందులో గాళ్స్ వెంట ప‌డే పాగ‌ల్ గా విశ్వ‌క్ న‌ట‌న డ్యాన్సులు ఆక‌ట్టుకున్నాయి. అమ్మాయిల‌కు ఎంత లైనేసినా పాగ‌ల్ కి ప‌డిపోవ‌డం అంత ఈజీ కాదని ప్రూవైంది. ప్ర‌స్తుతం టైటిల్ సాంగ్ అంత‌ర్జాలంలో వైర‌ల్ గా మారింది. ర‌ధ‌న్ ఈ చిత్రానికి సంగీతం అందించ‌గా ఆదిత్య మ్యూజిక్ ద్వారా పాట‌లు విడుద‌ల‌వుతున్నాయి.

ఫ‌ల‌క్ నుమా దాస్ గా ప‌క్కా మాస్ ఆహార్యంతో ఆక‌ట్టుకున్న విశ్వ‌క్ ఈసారి కూడా మాస్ లుక్ తో అల‌రించ‌నున్నాడు. హీరోగా న‌టించిన తొలి సినిమాతోనే త‌న‌దైన ప్ర‌త్యేక‌త చాటుకున్న విశ్వ‌క్ సేన్ ``క్లాస్ గా మీ మాస్ కా దాస్`` అంటూ పాగ‌ల్ లుక్ ని రివీల్ చేయ‌గా అది అంత‌ర్జాలంలో వైర‌ల్ అయ్యింది. దాసు ఇస్మార్ట్ బోయ్ లా క‌నిపించాడు. ఇంత‌కుముందు హిట్ అనే సినిమాతో హిట్టు కొట్టాడు. మునుముందు అలాంటి మ‌రిన్ని హిట్లు కొట్టేందుకు రెడీ అంటున్నాడు. పాగ‌ల్ విజ‌యంపైనా అత‌డు ధీమాగా ఉన్నాడ‌నే అర్థ‌మ‌వుతోంది.

`పాగ‌ల్`పై తొలి నుంచి ఆస‌క్తి నెల‌కొంది. సెకండ్ వేవ్ లేక‌పోతే ఈ పాటికే ఈ చిత్రం రిలీజ‌య్యేది. కానీ ఆల‌స్య‌మ‌వుతోంది. ఆ క్ర‌మంలోనే పాగ‌ల్ ని ఓటీటీకి విక్ర‌యించార‌ని ప్ర‌చార‌మైనా.. ఇందులో ఎలాంటి నిజం లేద‌ని విశ్వ‌క్ సేన్ వెల్ల‌డించారు. పాగ‌ల్ థియేట్రిక‌ల్ రిలీజ్ కోసం వేచి చూస్తోంది. ఆగ‌స్టు 14న సినిమా విడుద‌ల కానుంది. ఇప్ప‌టికే ఈ సినిమాపై మాస్ ప్రేక్షకుల్లో అంచనాలు గట్టిగానే ఉన్నాయి. పాట‌లు హైప్ క్రియేట్ చేస్తున్నాయి. విశ్వ‌క్ మ‌రో వైవిధ్య‌మైన చిత్రంతో ఆక‌ట్టుకుంటాడ‌నే అభిమానులు భావిస్తున్నారు. న‌రేష్ కుప్పిలి ఈ చిత్రానికి ద‌ర్శ‌క‌త్వం వ‌హిస్తున్నారు. దిల్ రాజు స‌మ‌ర్ప‌ణ‌లో బెక్కం వేణుగోపాల్ ఈ చిత్రాన్ని నిర్మిస్తున్న సంగ‌తి తెలిసిందే.