సాయిపల్లవి వెంటపడుతున్న శర్వా

శర్వానంద్ - సాయి పల్లవి లు జంటగా హను రాఘవపూడి దర్శకత్వంలో తెరకెక్కుతున్న రొమాంటిక్ ఎంటర్టైనర్ 'పడి పడి లేచే మనసు'. ఇప్పటికే కొన్ని ఇంట్రెస్టింగ్ పోస్టర్లతో ప్రేక్షకులను ఆకట్టుకున్న హను రాఘవపూడి అండ్ టీమ్ తాజాగా మరో కలర్ఫుల్ పోస్టర్ తో టీజర్ రిలీజ్ డేట్ ప్రకటించారు.

అక్టోబర్ 10 వ తేదీ ఉదయం 9.30 కు సినిమా టీజర్ ను విడుదల చేస్తామని నిర్మాతలయిన ఎస్ ఎల్ వీ సినిమాస్ వారు తమ అఫీషియల్ ట్విట్టర్ ఖాతా ద్వారా వెల్లడించారు. "ఈ చలికాలంలో రండి ప్రేమలో పడండి. అక్టోబర్ 10 న టీజర్ విడుదల" అంటూ ట్వీట్ చేశారు. ఇక పోస్టర్ మాత్రం సూపర్ గా ఉంది. హోలీ నేపథ్యంలో సాయిపల్లవి చేతులకు రంగుపూసుకొని ముందు పరిగెడుతుంటే.. శర్వా సాయిపల్లవి వెంటబడుతున్నాడు. ఇద్దరి నవ్వు చూస్తుంటే ఫుల్లుగా లవ్ లో పడి పడి లేస్తూ పోస్టర్ చూసేవాళ్ళని కూడా లవ్ లో పడేసేలా ఉంది. బీకాం లో ఫిజిక్స్ సంగతేమో గానీ ఈ పోస్టర్ లో మాత్రం వారిద్దరి మధ్య కెమిస్ట్రీ మాత్రం ఉందంటే ఉంది!

ఈ సినిమాను కోల్ కతా.. నేపాల్ లతో పాటు హైదరాబాద్ లో కూడా చిత్రీకరించారు. సునీల్.. వెన్నెల కిషోర్.. మురళి శర్మ కీలక పాత్రలలో నటించిన ఈ సినిమాను డిసెంబర్ 21 న విడుదల చేస్తున్నారు. మీరు పడడానికి రెడీనే కదా?