పడి పడి..వీడియో ప్రోమో: విజువల్స్ సూపర్

శర్వానంద్ - సాయి పల్లవి జంటగా నటించిన 'పడిపడి లేచే మనసు' డిసెంబర్ 21 న ప్రేక్షకుల ముందుకురానుంది. హను రాఘవపూడి దర్శకత్వంలో తెరకెక్కుతున్న ఈ సినిమా ప్రమోషన్స్ ఇప్పటికే మొదలయ్యాయి. కొద్ది రోజుల క్రితం ఈ సినిమా నుండి పడిపడి లేచే మనసు లిరికల్ సాంగ్ ను రిలీజ్ చేసిన టీమ్ తాజాగా ఈ పాట వీడియో ప్రోమోను విడుదల చేశారు.

ఈ పాటను హిమాలయాల్లోని స్పితి వ్యాలీలో చిత్రీకరించారట. అసలే శర్వానంద్-సాయిపల్లవి మధ్యలో కెమిస్ట్రీ పీక్స్ లో ఉంది. లవ్ లో ఉన్నట్టుగా ఇద్దరి ఎక్స్ ప్రెషన్స్ పాటకు మరింత అందాన్ని తీసుకొచ్చాయి. హిమాలయాల బ్యూటిఫుల్ లొకేషన్స్.. విశాల్ చంద్రశేఖర్ అందించిన మెలోడియస్ ట్యూన్.. కృష్ణ కాంత్ అందించిన అందమైన లిరిక్స్.. అర్మాన్ మాలిక్ - సింధూరి విశాల్ గానం పర్ఫెక్ట్ గా సూట్ అయ్యాయి. శర్వానంద్ కెరీర్లో ఇదో ప్రత్యేకమైన పాటగా నిలిచిపోతుందని చెప్పడంలో ఎలాంటి సందేహం లేదు.

ఈ పాట సినిమాపై మరింతగా అంచనాలు పెంచింది. మీరుకూడా ప్రేమలో పడి పడి లేవండి.. ఎవరి ప్రేమలోనో కాదు. ఈ పడిపడి లేచే మనసు వీడియో సాంగ్ ప్రోమో లవ్ లో పడి. మీరు మళ్ళీ లేచే లోపు శర్వా - సాయి పల్లవి లో మరో పాటతో మిమ్మల్ని మెప్పించేందుకు వస్తారు.