ఆ క్లబ్బులోకి వెళ్ళిన ఒకే హీరోయిన్

మన దేశ ఫిలిం ఇండస్ట్రీలో టాప్ బ్యూటీ ఎవరు.. ఇప్పటివరకూ ఈ క్వశ్చన్ కు సరైన ఆన్సర్ లేకపోయినా.. దీపికానే అద్భుతం అనే మాట తరచు వినిపిస్తూనే ఉంటుంది. ఇప్పుడు అదే విషయాన్ని ప్రూవ్ చేసేసుకుంది డిప్స్. ఈ భామ నటించిన లేటెస్ట్ మూవీ పద్మావత్ సాధిస్తున్న వసూళ్లే ఇందుకు ససాక్ష్యంగా చెప్పవచ్చు.

ఇప్పటివరకూ పద్మావత్ వసూలు చేసిన మొత్తం తెలిస్తే ఔరా అనుకోవాల్సిందే. రెండో వారాంతంలో కూడా ఈ చిత్రం అనూహ్యమైన వసూళ్లు సాధించింది. వీకెండ్ లో బాక్సాఫీస్ ను దులిపేయడమే కాదు.. వీక్ డేస్ లో కూడా స్టడీగా నిలబడింది. మొత్తం ఇండియాలోనే ఈ చిత్రానికి ఇప్పటివరకూ 231 కోట్ల రూపాయల నెట్ వసూళ్లు దక్కాయి. ఇదో ట్రెమండస్ రికార్డ్. ఓ ఫిమేల్ టైటిల్ లో వచ్చిన సినిమా ఏదీ ఇప్పటివరకూ ఈ స్థాయిని చేరుకోలేదు. 200 కోట్ల క్లబ్ లోకి ఎంటర్ అయిన తొలి ఫిమేల్ లీడ్ ఫిలింగా పద్మావత్ తో దీపికా పదుకొనే కొత్త రికార్డు సృష్టించింది.

ఓవర్సీస్ లో కూడా అమీర్ ఖాన్ రికార్డులను టార్గెట్ చేసి దూసుకుపోతోంది పద్మావత్. ఇదే స్పీడ్ మరో రెండు వారాలు కంటిన్యూ అయితే మాత్రం.. ఇండియన్ టాప్ గ్రాసర్స్ లో దీపికా పదుకొనే పద్మావత్ నిలిచిపోయే అవకాశాలు కనిపిస్తున్నాయి. రీసెంట్ గా రాజ్ పుత్ కర్ణిసేన ఈ చిత్రంపై ఆందోళనలు విరమించుకుని.. మూవీకి మద్దతు పలకడం కూడా పద్మావత్ కి బాగానే కలిసొస్తోంది.