అమ్మాయికి మ‌హేష్ కావాల‌ట‌

తెలుగు ఇండ‌స్ట్రీకొచ్చే కొత్త భామ‌లు మ‌హేష్‌ బాబు పేరును జ‌పించ‌డం సాధార‌ణ‌మైన విష‌య‌మే. ఎంత మంది కుర్ర‌హీరోలు ప‌రిశ్ర‌మ‌లో ఉన్న‌ప్ప‌టికీ క‌థానాయిల‌కి మ‌హేష్‌ బాబు ఛార్మింగే ప్ర‌త్యేకంగా క‌నిపిస్తుంటుంది. అందుకే మ‌హేష్... మ‌హేష్ అంటూ క‌ల‌వ‌రిస్తుంటారు. తాజాగా ఆ జాబితాలోకి మ‌రో కథానాయిక చేరింది. ఆమె ఎవ‌రో కాదు... `అబ్బాయితో అమ్మాయి` చిత్రంతో ప‌రిచ‌య‌మైన ప‌ల్ల‌క్ ల‌ల్వాని. నార్త్ నుంచి వ‌చ్చిందీ ముద్దుగుమ్మ‌. తెలుగు సినిమా హీరోయిన్‌ కి కావ‌ల్సిన హంగుల‌న్నీ త‌న‌లో ఉన్నాయ‌ని తొలి చిత్రంతోనే చాటి చెప్పింది. ఏ యాంగిల్‌ లో కావాలంటే ఆ యాంగిల్‌లో కెమెరా పెట్టేయండ‌ని అబ్బాయితో అమ్మాయి టీమ్‌ కి ఫుల్లు కోప‌రేష‌న్ ఇచ్చేసింది ప‌ల్ల‌క్‌.

అందాలు ఆమె అందాన్ని సినిమాలో భ‌లే కేప్చ‌ర్ చేశారు. సినిమా ఎలా ఉన్న‌ప్ప‌టికీ అమ్మాయి మాత్రం భ‌లే న‌చ్చేసింది. ప‌క్క‌న నాగ‌శౌర్య‌లాంటి హ్యాండ్సమ్ హీరో ఉన్న‌ప్ప‌టికీ అమ్మాయి మాత్రం అతన్ని డామినేట్ చేసేసింది. సినిమా హిట్ట‌య్యుంటే మాత్రం ప‌ల్ల‌క్ ఓ ఊపు ఊపేసేదే. మ‌రి ఆమె భ‌వితవ్యం ఎలా ఉంటుందో చూడాలి. అయితే ప‌ల్ల‌క్ మాత్రం చాలా కాన్ఫిడెంట్‌ గా ఉంది. తెలుగులో క్రేజీ ఆఫ‌ర్లు సొంతం చేసుకొంటాన‌ని చెబుతోంది. ప‌నిలో ప‌నిగా మ‌హేష్‌ బాబుతోనూ క‌లిసి న‌టించాల‌నేది నా కోరిక అని త‌న మ‌న‌సులో మాట చెప్పేసింది. మ‌హేష్ అందానికి ఎప్పుడో ప‌డిపోయాన‌ని, ఆయ‌న‌తో క‌లిసి న‌టిస్తే నా క‌ల నెర‌వేరిన‌ట్టే అని ఇటీవ‌ల మీడియాతో చెప్పుకొచ్చింది. మ‌రి మ‌హేష్ ప‌ల్ల‌క్ వైపు ఎప్పుడు చూస్తాడో!