ఫొటోటాక్ : సీనియర్ లేడీ స్టార్‌ బర్త్ డే లో పాన్ ఇండియా స్టార్‌

టాలీవుడ్ తో పాటు కోలీవుడ్‌ ఇతర భాషల్లో మంచి గుర్తింపు దక్కించుకుని ప్రస్తుతం రాజకీయాల్లో క్రియాశీలకంగా ఉంటున్న సుమలత ఇటీవల తన పుట్టిన రోజు జరుపుకున్నారు. ఈ సందర్బంగా ఆమె కన్నడ సినీ ఇడస్ట్రీ వర్గాల వారితో పాటు పలువురు రాజకీయ ప్రముఖులను ఆహ్వానించింది. సుమలత బర్త్‌ డే పార్టీకి పాన్ ఇండియా స్టార్‌ యశ్‌ హాజరు అయ్యాడు. సుమలతకు మొదటి నుండి కూడా యశ్‌ చాలా సన్నిహితుడిగా ఉంటూ వచ్చాడు. ఆమె రాజకీయాల్లోకి వెళ్లిన సమయంలో కూడా యశ్ నుండి మద్దతు దక్కింది.

సుమలత బర్త్‌ డే పార్టీ లో ఎంతో మంది కన్నడ స్టార్స్ కూడా పాల్గొన్నారు. ఉపేంద్ర కూడా హాజరు అయ్యారు అంటూ కన్నడ మీడియా వర్గాల వారి ద్వారా సమాచారం అందుతోంది. ప్రస్తుతం రాజకీయాల్లో ఉన్న సుమలత సినిమా పరిశ్రమ వారితో కూడా మంచి సన్నిహిత సంబంధాలు నెరుపుతూ వస్తోంది. అందుకే ఇండస్ట్రీకి సంబంధించిన వారు చాలా మంది కూడా ఆమె బర్త్‌ డేకు హాజరు అయ్యారు అనేది టాక్‌.

ఇక కేజీఎఫ్‌ స్టార్‌ యశ్‌ కేజీఎఫ్‌ 2 విడుదల కోసం వెయిట్‌ చేస్తున్నాడు. పెద్ద ఎత్తున అంచనాలున్న కేజీఎఫ్‌ 2 షూటింగ్‌ పూర్తి చేసుకుని విడుదలకు సిద్దంగా ఉన్నా కూడా యశ్‌ మాత్రం ఇంకా కేజీఎఫ్‌ లుక్ నుండి మారలేదు. అదే తరహా లుక్ లో ఉన్నట్లుగా కన్నడ అభిమానులు సోషల్‌ మీడియాలో కామెంట్స్ చేస్తున్నారు. ప్రస్తుతం సినిమా విడుదల కోసం యశ్‌ అభిమానులు ఎదురు చూస్తున్నారు. కనుక సుమలత బర్త్‌ డే వేడుకలో యశ్‌ కనిపించడంతో ఆ ఫొటోలను తెగ షేర్‌ చేస్తున్నారు.