కాలం కలిసొస్తే పండగే చేస్కుంటారు

''పండుగ చేస్కో''.. ''ఈ సినిమా సూపర్‌ హిట్టు. అదిరిపోయే కలెక్షన్లతో దుమ్ములేపేస్తోంది. ఆడియన్స్‌కు ఏం కావాలో అదే తీశాం, హిట్టు కొట్టాం..'' అదండీ వరుస. హీరో రామ్‌ను కదిపినా, రైటర్‌ కోన వెంకట్‌ను కదిపినా కూడా ఇలాగే చెబుతున్నారు. కోన అయితే ఓ అడుగు ముందుకేసి ఏ సినిమా తీయాలో క్రిటిక్స్‌కు ఏం తెలుసు గాడిద గుడ్డు అన్నట్లు కామెంట్లు కూడా చేశాడు. ఇంతకీ పండగ చేస్కో ఇంత పెద్ద హిట్‌ ఎలా అయ్యింది?

అంత పెద్ద హిట్‌ కాదు కాని, ఓ మాదిరిగా నడుస్తోంది పండుగ చేస్కో. దటీజ్‌ రియాల్టీ. ఇకపోతే ఈ సినిమాను సూపర్‌ డూపర్‌ అనేంత సీన్‌ లేదు, ఎందుకంటే కంటెంట్‌ పరంగా పరమ రొటీనాతి రొటీన్‌. కాకపోతే అదృష్టం లిఫ్ట్‌ ఇచ్చింది. కాలం కలిసొచ్చింది. ఈ సినిమా రావడానికి ముందు ధియేటర్స్‌లోకి వచ్చిన లయన్‌, దొంగాట వంటి సినిమాలు పెద్దగా నిలదొక్కుకోలేకపోయాయ్‌. దానితో పండుగ చేస్కో సినిమా తప్పించి జనాలకు వేరే ఆల్టర్‌నేటివ్‌ లేకుండా పోయింది. .