శ్రీరెడ్డి వాకిట్లో పారిజాతం చెట్టు.. సినిమా టైటిల్ కాదు

క్యాస్టింగ్ కౌచ్ ను తెలుగు లోగిళ్లలోకి లోతుగా తీసుకెళ్లటంలో సినీ నటి శ్రీరెడ్డి సక్సెస్ అయ్యారని చెప్పాలి. ఆమె నోట వచ్చిన మాటలు.. చేసిన చేతలతో పాటు.. సోషల్ మీడియాలో ఆమె రచ్చ కామెంట్లు.. మొత్తంగా శ్రీరెడ్డిని తెలుగు ప్రజలంతా ఇట్టే గుర్తు పట్టేలా చేశాయి. అదే పనిగా కొద్దిమందిని టార్గెట్ చేసిన శ్రీరెడ్డి.. ఉన్నట్లుండి చెన్నైకు షిఫ్ట్ కావటం.. అక్కడ కూడా తన మార్క్ వివాదాలతో తంబీలకు తెలిసిపోయారు.

అవకాశం వచ్చిన ప్రతిసారీ తనకు తోచినట్లుగా తిట్టేస్తూ సంచలనాలకు కేరాఫ్ అడ్రస్ గా నిలిచే ఆమె.. తాజాగా తన సోషల్ మీడియా ఖాతాలో ఆసక్తికర పోస్టు ఒకటి పెట్టారు. రోటీన్ కు భిన్నంగా ఆమె తాజా పోస్ట్ ఉందని చెప్పాలి. తమ ఇంటి తోటలో పారిజాతం చెట్టు ఉందని.. తాజాగా ఆ చెట్టుకు పూలు పూసిన విషయాన్ని చెప్పుకొచ్చారు.

శివ భగవానుడికి ఇష్టమైన పారిజాతం పూలు మా తోటలో పూశాయి. ఇవి రాత్రి పూట మాత్రమే వికసిస్తాయి. హరహర మహాదేవ్ అంటూ తన ఫేస్ బుక్ లో పోస్ట్ చేశారు. ఈ సందర్భంగా తన తోటలో పూసి.. దేవుడికి అర్పించిన పారితాజం పూల ఫోటోను పెట్టారు.

అంతేకాదు.. తన తోటలో మొలిచిన పుట్టగొడుగుల ఫోటోను పోస్ట్ చేశారు. అవి తమ ఇంట్లో పండినవేనని.. అవి మంచివేనా? అంటూ ప్రశ్నించారు. ఇలా ప్రశ్నించే కంటే.. గూగులమ్మనో.. తెలిసిన డాక్టర్నో అడిగితే సరిపోతుంది కదా? తెలిసి తెలియక చెప్పే సమాధానాలతో లాభం కంటే నష్టమే ఎక్కువన్న విషయాన్ని శ్రీరెడ్డి ఎందుకు గుర్తించలేకపోతున్నారు?