మిరాకిల్ బేబి అంటూ మురిసిపోయిన పారీ

పరిణీతి చోప్రా ప‌రిచ‌యం అవ‌స‌రం లేదు. పారీ అంటూ అభిమానులు ముద్దుగా పిలుచుకుంటారు. బాలీవుడ్ లో బ్యాక్ టు బ్యాక్ యాక్ష‌న్ చిత్రాల్లో న‌టిస్తూ ఇటీవ‌ల త‌న సోద‌రి ప్రియాంక చోప్రాకు పోటీకొస్తోంది. యాక్షన్ అవతార్ లో కనిపించనున్న పారీ త‌దుప‌రి చిత్రం విడుదలకు సిద్ధమైంది. 'కోడ్ నేమ్ తిరంగా' అనేది మూవీ టైటిల్. ఇందులో హార్డీ సంధుతో కలిసి పీసీ కనిపించనుంది. ఈ చిత్రం ట్రైలర్ ఇప్పటికే చాలా హైప్ క్రియేట్ చేసింది. పారీ విన్యాసాలు యాక్షన్ ఎపిసోడ్స్ ను చూడటానికి అభిమానులు చాలా ఉత్సాహంగా ఉన్నారు. సినిమా విడుదలకు ముందు కోడ్ నేమ్ తిరంగ బృందం ప్ర‌చారంలో బిజీగా ఉంది. పరిణీతి హార్డీ - రిభు దాస్ గుప్తా చిత్రం గురించి అలాగే త‌న సోద‌రి గురించి ఆమె కుమార్తె గురించి మరెన్నో విషయాల గురించి ఓపెన్ చేసారు.

కోడ్ నేమ్ తిరంగా నుండి పరిణీతి చోప్రా లుక్ విడుదలైన తర్వాత డాన్ లో ఆమె సోదరి ప్రియాంక చోప్రా లుక్ ని పోలి ఉందని చాలా మంది అభిమానులు భావించారు. ఈ పోలిక గురించి పరిణీతిని అడిగినప్పుడు ఆమె నవ్వుతూ ''ఈ అద్భుతమైన అభిమానులు ఎవరు? నేను వారిని కలవాలనుకుంటున్నాను.

ఇది గొప్ప అభినందన కాదా?'' అని ఆనందం వ్య‌క్తం చేసింది. పరిణీతి ఇంకా మాట్లాడుతూ ''మిమీ దీదీ (పీసీ) డాన్ చేస్తున్నప్పుడు నాకు గుర్తుంది. ఆమె (పీసీ) తన జీవితంలో చాలా భిన్నమైన దశ నుండి వచ్చింది. త‌ను డాన్ లో చేస్తున్న‌ప్పుడు మేమంతా వ్వావ్ అనుకునేవాళ్లం. నా సోద‌రి తెర‌పై చాలా అద్భుతంగా క‌నిపించింది'' అని అన్నారు.

మీరు మీ సోదరిని హాట్ అని పిలవగలరా? (నవ్వుతూ) అని ప్ర‌శ్నించ‌గా.. అవును ఆమె హాట్ గా ఉంటుంది. చాలా కూల్ గా ఉంటుంది. కాబట్టి అలా నేను కూడా ఉన్నాను! అని అంటే అది అద్భుతంగా ఉంటుందని భావిస్తున్నాను. ఆమెలాగే నేను కూడా అలాంటి ప్రశంసలను పొందగలనని ఆశిస్తున్నాను... అని అంది.

ప్రియాంక చోప్రా - నిక్ జోనాస్ ఈ సంవత్సరం ప్రారంభంలో కుమార్తె మాల్తీ మేరీ చోప్రా జోనాస్ ను తమ జీవితంలోకి స్వాగతించడంతో కొత్త దశలోకి అడుగుపెట్టారు. ఎప్పటి నుంచో అభిమానులు పీసీ కూతురి ముఖాన్ని చూసేందుకు ఆసక్తిగా ఎదురుచూస్తున్నారు. పీసీ ప్రతిసారీ ఫోటోషూట్ల‌ను షేర్ చేసినా కానీ కుమార్తె ముఖాన్ని దాచేస్తోంది.

పరిణీతి చోప్రాను 'మాసి' అయినందుకు సంతోషంగా ఉందా? అని ప్ర‌శ్నించ‌గా.... దీనికి పారీ బదులిస్తూ ''మాల్టీ మేరీ చాలా అందంగా ఉంది. ముద్దాడాల‌నిపించేంత‌గా.. త‌ను ఒక అద్భుత శిశువు. అత్యంత అందమైన శిశువు మధురమైన శిశువు.. అంటూ ప్రశంస‌లు కురిపించింది. త‌న‌ను మిరాకిల్ బేబి అంటూ అద్భుత‌మైన క్యాప్ష‌న్ ని ఇచ్చింది.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.