క్రికెట్ దిగ్గ‌జంతో కేక సెల్ఫీ

నిన్న‌టిరోజున ఓ అరుదైన సంఘ‌ట‌న ఇటు రాజ‌కీయ‌ వ‌ర్గాల్లో, అటు సినీ వ‌ర్గాల్లో క‌ల‌క‌లం రేపింది. వెస్టిండీస్ క్రికెట్ దిగ్గ‌జం, లెఫ్ట్ హ్యాండెడ్ బ్యాట్స్‌ మ‌న్ బ్ర‌యాన్ లారా హైద‌రాబాద్‌లో అడుగుపెట్టి .. ఓ కాన్ఫ‌రెన్స్‌ లో పాల్గొన‌డం ... అక్క‌డ ఓ క్రేజీ హీరోయిన్‌, ఓ క్రేజీ పొలిటీషియ‌న్ ద‌ర్శ‌న‌మివ్వ‌డం.. అహూతుల్ని రంజింప‌జేసింది.

అంతేనా ఆ క్రేజీ హీరోయిన్ పోటీప‌డి బ్ర‌యాన్ లారాతో సెల్ఫీ దిగ‌డం, నేను మీకు పెద్ద ఫ్యాన్‌ని సార్ అంటూ పొగిడేయ‌డం కుర్రాళ్లంద‌రికీ గిలిగింత‌లు పెట్టింది. అస‌లింత‌కీ ఆ ఫేమ‌స్ హీరోయిన్ ఎవ‌రు? అనే సందేహం వ‌చ్చిందా? ఎస్.. బొద్దుగుమ్మ దేహ‌శిరుల నుంచి స‌న్న‌జాజి సోయ‌గంగా మారిపోయిన ప‌రిణీతి చోప్రా గురించే ఇదంతా. ఈ అమ్మ‌డు నిన్న‌టిరోజున అటు బ్ర‌యాన్ లారాతో, ఇటు కేటీఆర్‌ తో క‌లిసి ప్రెస్‌ కాన్ఫ‌రెన్స్‌ లో ఫోజులిచ్చింది. ఇటీవ‌లి కాలంలో మ‌హిళ‌ల హ‌క్కుల గురించి పోరాడే ధీర‌వ‌నిత‌గా పాపుల‌ర్ అవుతున్నారు క‌దా..? మీరు ఫెమినిస్టా? అని అడిగిన ప్ర‌శ్న‌కు ప‌రిణీతి సింపుల్‌ గా స‌మాధానం చెప్పింది.

నేను ఫెమినిస్టుని కాదు, ప్రౌడ్ ఉమెన్‌ ని అంటూ ఝ‌ల‌క్ ఇచ్చింది. అంతే కాదు ప‌రిణీతి త‌న మైక్రోబ్లాగింగ్ సైట్‌లో బ్ర‌యాన్ లారాని ఉద్ధేశిస్తూ ..నేను మీకు గొప్ప అభిమానిని. మీరు గొప్ప మాన‌వ‌తా వాది అంటూ పొగిడేయ‌డం విశేషం. తెలంగాణ ఐటీ శాఖ మంత్రి కేటీఆర్ సైతం అంతే ఎగ్జ‌యిటింగ్‌ గా బ్ర‌యాన్ లారా తో దిగిన సెల్ఫీని సామాజిక వెబ్‌సైట్‌లో పోస్ట్ చేయ‌డం విశేషం.