మాస్‌ రాజా కోసం పార్వతీశం!!!

శ్రీ‌కాకుళం యాస‌లో కేరింత పుట్టించాడు నూక‌రాజు అలియాస్‌ పార్వ‌తీశం. కేరింత సినిమాలో నూక‌రాజు ప‌లికించిన హావ‌భావాలు - భాషా నైపుణ్యం ఇప్ప‌టికీ జ‌నాలు అంత తేలిగ్గా మ‌ర్చిపోలేరు. శ్రీ‌కాకుళం యాస‌ను ఓ రేంజులో ఆడుకున్నాడు పార్వ‌తీశం. వెక్కిరింత అని ఆ జిల్లా వాసులు ఫీలై కేరింత చిత్రాన్ని బోయ్‌ కాట్ చేసినా, మిగ‌తాచోట్ల మాత్రం బాగానే ఆడింది ఈ సినిమా. సాయికిర‌ణ్ అడివికి హిట్టొచ్చింది. దిల్‌ రాజుకు లాభాలొచ్చాయ్‌. కాబ‌ట్టి అలాంటి క్రేజీ ప్రాజెక్టులో న‌టించిన పార్వ‌తీశంకి వెంట వెంట‌నే అవ‌కాశాలు వెంట‌ప‌డ్డాయి. ఇప్పుడు అత‌డు ఏకంగా ర‌వితేజ సినిమాలోనే న‌టిస్తున్నాడు.

ఓ ర‌కంగా మాస్ రాజా సినిమాలో మాస్‌ రాజా అంత‌టివాడిగా ఆక‌ట్టుకునే ఛాన్సుంద‌న్న‌మాట‌! ప్ర‌స్తుతం మాస్ మ‌హారాజ్ ర‌వితేజ హీరోగా వేణు శ్రీ‌రామ్ ద‌ర్శ‌క‌త్వంలో ఎవ‌డో ఒక‌డు తెర‌కెక్క‌నున్న సంగ‌తి తెలిసిందే. దిల్‌ రాజు ఈ చిత్రాన్ని నిర్మిస్తున్నారు. ఇందులో ర‌వితేజ లెక్చ‌ర‌ర్ పాత్ర‌లో న‌టిస్తున్నాడు. అదే కాలేజీలో చ‌దువుకునే స్టూడెంట్‌ గా పార్వ‌తీశం న‌టిస్తున్నాడు. న‌వంబ‌ర్ చివ‌రిలో రెగ్యుల‌ర్ చిత్రీక‌ర‌ణ ప్రారంభం కానుంది. ప్ర‌స్తుతం ప్రీప్రొడ‌క్ష‌న్ సాగుతోంది. అయితే ఈ సినిమాలో మాస్‌ రాజాతో పార్వ‌తీశం కాంబినేష‌న్ చూస్తుంటే మాస్ రాజా + మాస్ రాజా అనిపిస్తుందేమో? ర‌వితేజ స్టూడెంట్ ర‌వితేజ‌నే అనిపిస్తుందేమో?