ప‌వ‌న్ ఆల్వేస్ ప‌వ‌ర్ ఫుల్ రెడ్డి అంతేకానీ..!

ప‌వ‌ర్ స్టార్ ప‌వ‌న్ క‌ల్యాణ్ స్టార్ డ‌మ్ గురించి అత‌డికి ఉన్న ఫాలోయింగ్ గురించి తెలుగు ప్రేక్ష‌కుల‌కు స్ప‌ష్ఠంగా తెలుసు. ప్ర‌పంచ‌వ్యాప్తంగా అత‌డికి గొప్ప ఫాలోయింగ్ ఉంది. అయితే ప‌వ‌న్ ని ఉన్న‌ట్టుండి అర్జున్ రెడ్డితో పోల్చేస్తూ కొంద‌రు ప‌వ‌న్ కెరీర్ ఆరంభ‌ ఫోటోల‌ను వైర‌ల్ చేస్తున్నారు. అర్జున్ రెడ్డిలో విజ‌య్ దేవ‌ర‌కొండ గుబురు గ‌డ్డం గిర‌జాల జుత్తుతో ర‌ఫ్ గా ఉన్న ఫోటోని .. ప‌వ‌న్ ఇర‌వై ఏళ్ల క్రితం గ‌డ్డంతో క‌నిపించిన ఫోటోని ప‌క్క‌ప‌క్క‌నే చేర్చి ఆనాడే ప‌వ‌న్ అర్జున్ రెడ్డి అయ్యారు! అంటూ దానికి కామెంట్ల‌ను జోడిస్తున్నారు.

ఆ రెండు ఫోటోల మ‌ధ్యా లుక్ ప‌రంగా సారూప్య‌తలు ఉన్నా.. ఇప్పుడిలా ప‌వ‌న్ ని అర్జున్ రెడ్డితో పోల్చ‌డం స‌రికాదు. నిజానికి ప‌వ‌న్ కెరీర్ ఆరంభ‌మే ప‌వ‌ర్ ఫుల్ పాత్ర‌ల్లో న‌టించారు. అత‌డు న‌టించిన బ‌ద్రి సినిమాలో ఎంతటి ప‌వ‌ర్ ఫుల్ పాత్ర‌లో క‌నిపించారో తెలిసిందే. అస‌లు హీరోయిజం ఎలా ఉండాలో ఆ జ‌న‌రేష‌న్ హీరోల‌కు నేర్పిందే ప‌వ‌న్ క‌ల్యాణ్. మేడిన్ ఆంధ్రా స్టూడెంట్ అంటే ఎలా ఉండాలో చెప్పింది ప‌వ‌న్. త‌న ప్ర‌తి సినిమాలో దేశ‌భ‌క్తి ఎలిమెంట్ ప‌వ‌ర్ ఫుల్ పంచ్ ల‌తో క్లాప్స్ కొట్టించిన హీరో ప‌వ‌న్ క‌ల్యాణ్‌.

అందుకే మాస్ లో ప‌వ‌న్ కి ఆ రేంజు క్రేజు వ‌చ్చింది. ఇక ఇప్ప‌టికీ ప‌వ‌న్ త‌న‌ని ఎవ‌రూ ట‌చ్ చేయ‌లేని రేంజులోనే ఉన్నారు. టాలీవుడ్ లో ఏ ఇత‌ర స్టార్ హీరోతో పోల్చినా ప‌వ‌న్ రేంజే వేరుగా ఉంటుంద‌నేది ప‌వ‌న్ అభిమానుల వాద‌న‌. అర్జున్ రెడ్డిగా విజ‌య్ దేవ‌ర‌కొండ ఎంతో అద్భుతంగా న‌టించార‌నడంలో ఎలాంటి సందేహం లేదు. అయితే ప‌వ‌ర్ స్టార్ కెరీర్ ఆరంభ‌మే అంత‌కుమించి చూపించార‌న్న‌ది మ‌ర్చిపోకూడ‌నిది. ప్రేమికుడిగా తొలి ప్రేమ‌లో ప‌వ‌న్ న‌ట‌న‌ను కూడా అంత తేలిగ్గా ఎవ‌రూ మ‌ర్చిపోలేదు. తాను న‌టించిన ప్ర‌తి సినిమాలో ఎమోష‌నల్ సీన్స్ లో అత‌డు చెల‌రేగి న‌టించాడు. అందుకే అత‌డిని ఇత‌రుల‌తో పోలిక పెట్టి చూడ‌డం స‌మంజ‌సం కాద‌నేది మెజారిటీ అభిప్రాయం.