ఔరంగ జేబు చెల్లి నోరాతో ప‌వ‌న్ వ్య‌వ‌హారం?

ఇండ‌స్ట్రీ బెస్ట్ డ్యాన్స‌ర్ గా స‌త్తా చాటింది విదేశీ ముద్దుగుమ్మ నోరా ఫ‌తేహి. బాలీవుడ్ టాలీవుడ్ ల‌లో ఐట‌మ్ నంబ‌ర్ల‌తో అద‌ర‌గొట్టింది. బాహుబ‌లి మ‌నోహ‌రిగా నోరాకి ఉన్న క్రేజ్ అంతా ఇంతా కాదు. నోరా ఫ‌తేహి ఏ ప‌రిశ్ర‌మ‌లో ఉన్నా టాలీవుడ్ త‌న‌వైపు చూస్తూనే ఉంది. ఇక్కడి యూత్ లో అంత కిక్కు తెచ్చింది ఈ మొరాకో కెన‌డియ‌న్ సుంద‌రి.

ఇప్పుడు ఏకంగా ప‌వ‌ర్ స్టార్ ప‌వ‌న్ క‌ల్యాణ్ న‌టిస్తున్న హ‌రిహ‌ర వీర‌మ‌ల్లులో అవ‌కాశం ద‌క్కించుకుంద‌ని గుస‌గుస‌లు వినిపిస్తున్నాయి. ఇందులో నోరా పాత్ర ఎలా ఉండ‌నుంది? అంటే.. అత్యంత కీల‌క మ‌లుపునిచ్చే పాత్ర‌లో క‌నిపించ‌నుంద‌ట‌. పవన్ కళ్యాణ్ సినిమాలో నోరా కీలక పాత్ర పోషిస్తోంది. హరి హర వీర మల్లు షూటింగ్ తాజా షెడ్యూల్ లో జాయిన్ అవుతుంది.

నోరా ఫతేహి మొగల్ రాజు ఔరంగజేబు సోదరిగా నటిస్తోంది. ఔరంగజేబు సోదరితో స్నేహం చేసే వీరమల్లుగా పవన్ కళ్యాణ్ క‌నిపిస్తార‌ని స‌మాచారం. షూటింగ్ ఇటీవలే తిరిగి ప్రారంభం కాగా క్రిష్ వేగంగా ఈ సినిమాని పూర్తి చేసేందుకు ప్ర‌ణాళిక‌ల్ని వేస్తున్నారు. నోరా ఫతేహి ఓ పాటలో త‌న నృత్య ప్ర‌ద‌ర్శ‌న‌తో అద‌ర‌గొట్ట‌నుంద‌ని కూడా తెలిసింది.

సాధార‌ణ ఉద్యోగి క్రేజీ డ్యాన్స‌ర్ గా..

ఆరంభం పొట్ట పోషించుకునేందుకు ఎన్నో ఉద్యోగాలు చేసిన నోరా చివ‌రికి షాపింగ్ కాంప్లెక్స్ లో కూడా ఉద్యోగానికి చేరాన‌ని... అలా వ‌చ్చిన డ‌బ్బుతోనే కుటుంబాన్ని పోషించాన‌ని కూడా ఇంత‌కుముందు ఓ ఇంట‌ర్వ్యూలో తెలిపింది. అయితే అనూహ్యంగా త‌న‌లోని డ్యాన్సింగ్ ట్యాలెంట్ నోరా స్థాయిని మ‌రో లెవ‌ల్ కి తీసుకెళ్లింది. ఏకంగా ముంబై ప‌రిశ్ర‌మ‌లో అడుగుపెట్టి స‌త్తా చాటింది.

ఇక్క‌డ సౌత్ నార్త్ అనే విభేధం లేకుండా నోరా ఐట‌మ్ నంబ‌ర్లు యూత్ కి బోలెడంత కిక్కిచ్చాయి. సింగిల్ ఆల్బ‌మ్స్ తోనూ మెరుపులు మెరిపించింది. ఇక ఈ బ్యూటీ బాలీవుడ్ లో `దిల్బ‌ర్`..`నాచ్ మేరీ రాణి`..`ఓ సాకి సాకి` ..`గార్మి` వంటి హిట్ ట్రాక్ ల‌తో ఓ ఊపు ఊపేసిన సంగ‌తి తెలిసిందే. ఆ స‌క్సెస్ కిక్కులో బాలీవుడ్ ఐటం గాళ్స్ జాబితాలో స్థానం సంపాదించింది.

ఈ బ్యూటీ చివ‌రి సారిగా గురు రంధ‌వాతో క‌లిసి `డ్యాన్స్ మేరి రాణీ` మ్యూజిక్ వీడియోలో క‌నిపిచింది. తెలుగులో `బాహుబ‌లి ది బిగినింగ్` లో మ‌నోహ‌రి ఐట‌మ్ నంబ‌ర్ తో కిక్కిచ్చింది. అంత‌కు ముందు `టెంప‌ర్` చిత్రంలో స్పెష‌ల్ సాంగ్ లో న‌టించింది. మ‌రోవైపు సోష‌ల్ మీడియాల్లోనూ నోరాకి అసాధార‌ణ ఫాలోయింగ్ ఏర్ప‌డింది. హిందీ బుల్లితెర‌పై డ్యాన్స్ రియాలిటీ షోల జ‌డ్జిగా బిజీగా ఉన్న ఈ బ్యూటీ ప‌లు క్రేజీ పాన్ ఇండియా చిత్రాల్లో కీల‌క పాత్ర‌లు పోషిస్తోంది.